Ekipi i volejbollit për femra Mirdita shpallet kampion i kategorisë së dytë

Mirdita, ekipi i volejbollit për femra është shpallur ditën e sotme kampion i kategorisë së dytë.

Ky sukses është kurorëzuar edhe me dorëzimin e Kupës nga drejtues të Federatës së Volejbollit shqiptar në Pallatin e Sportit të lojërave me dorë “Arjana Arapi” në Rrëshen. Ceremonisë së organizuar me këtë rast i parapriu një ndeshje miqësore mes ekipit të të rriturave, të drejtuara nga Dalina Kola dhe ekipit të të rejave të drejtuara nga Elsa Përgjetani.

Kryetari i Bashkisë z. Ndrec Dedaj, duke përgëzuar ekipin dhe gjithë drejtuesit për këtë rezultat, është shprehur se bashkia dhe ai vetë do të bëjnë gjithçka duhet që ekipi të qëndrojë  në  elitë të këtij sporti në mbarë vendin. “Ne tashmë jemi në rrugë të mbarë edhe sa i përket trajtimit të ekipit;  së shpejti do të kemi dhe sponsorin e tij, dhe gjithashtu Bashkia dhe Ministria e Arsimit dhe Sporteve, do të mundësojë rikonstruksion të plotë të pallatit të sportit të lojërave me dorë duke e modernizuar në çdo qelizë të tij.” tha z.Dedaj në fjalën e tij. Më pas ai në mes duartrokitjeve të volejbollisteve dhe të publikut i dorëzoi Kupën e Kategorisë së Dytë ekipit të vajzave.

Erlind Pëllumbi, President i Federatës së Volejbollit në fjalën e tij përshëndetëse përgëzoi ekipin e vajzave, drejtuesit, trajneren për këtë sukses, duke u shprehur se bashkia Mirditë tashmë po realizon një nga synimet e vëna për të risjellë në kuotat maksimale përfaqësimin e Mirditës në këtë sport, siç ka qenë traditë për disa dekada. “Ndaj dhe Federata dhe gjithë aktorët e këtij sporti të rëndësishëm ndihen të kënaqur me këtë rezultat, të arritur përmes sakrificave të shumta të vajzave volejbolliste, por që ky sport mbarëkombëtar nuk mund të kuptohet pa volejbollin e Mirditës.” u shpreh z.Pëllumbi.

Ndërsa presidenti i Federatës z. Pëllumbi i dorëzoi Kryebashkiakut Dedaj mirënjohje për bashkinë Mirditë lidhur me kontributin e dhënë dhe strategjinë e zhvillimit të këtij sporti në vitet që pasojnë.

Gjithashtu medalja e Mirenjohjes nga ana e Federatës është dhënë dhe për sponsorin e disa viteve, mjekun okulist  Met Troplini, i cili falë kontributit të tij,  bëri të mundur që ekipi i vajzave të Mirditës në volejboll, të kapte kuotat më të larta të titujve; si atë të Kampionit Kombëtar dhe Kupës së Republikës.

Të pranishëm në këtë ceremoni kanë qenë edhe Arben Vokopola, sekretar i përgjithshëm i Federatës, Ilia Vasili, anëtar i Komitetit Drejtues së Federatës, Altin Mërtiri, ish-trainer i Minatorit, sot trainer i Kombëtares shqiptare në volejboll, si dhe gjyqtari  ndërkombëtar  Konalci  Gjeka.

1
2
3
4
5
6

Ambasadorja Vlahutin dhe ai austriak, vizitë në Info-Kulla Mirdita

 

Ambasadorja e BE-së në Tiranë, Romana Vlahutin dhe  Ambasadori austriak në Shqipëri Dr.Johann Sattler, vizituan ditën e sotme Info-Kulla Mirdita në Rubik.

Kryetari i Bashkisë, z.Ndrec Dedaj priti Ambasadorët, ndërsa më pas ata vizituan mjediset e Info Kulla Mirdita, një partneritet turistik ngritur falë bashkëpunimit të Bashkisë Mirditë me Albania Austria Partnerschaft – Marianne Graf. Vlahutin dhe Sattler mbetën të impresionuar nga përmbajtja e kësaj pike info turistike e llojit të veçantë në Shqipëri si dhe nga mënyra e kompozimit dhe arredimit me bazë traditën e Mirditës dhe rajoneve të tjera të Verilindjes në çdo pavion dhe eksponatë.

Ambasadorja e BE-së ishte e interesuar për itineraret turistike për çdo zonë të Mirditës, ndaj ajo është shprehur se pos përpjekjeve të qeverisjes lokale, BE do ndihmojë me fonde për zhvillimin e mëtejshëm. “Jemi këtu për të parë se si mund të ndihmojme duke ja bërë të ditur të gjithë Evropës se çfarë bukurish ka këtu dhe gjithashtu po shohim mundësinë se si mund të asistojmë nëpërmjet shtigjeve të cilat mund të krijohen në zona më të thella dhe për të integruar të gjithë potencialin turistik që ofron rajoni këtu.” u shpreh znj.Vlahutin.

Ambasadori austriak Sattler u shpreh se është një ditë e vecantë që jam këtu, duke kujtuar dhe marrëdhëniet e kahershme në mes Austrisë dhe Shqipërisë dhe veçmas Mirditës. Kryetari i Bashkisë z. Ndrec Dedaj, falenderoi amabsadoren e BE-së znj. Vllahutin si dhe ambasadorin austriak z. Sattler, ndërsa theksoi se vëmendja e vazhdueshme e tyre është obligim i mëtejmë i bashkisë që drejton për t’a orientuar aktivitetin e komunitetit drejt turizmit të qëndrueshëm malor për shkak të pasurive të mëdha që gjenden në relievin karakteristik të Mirditës në të gjithë territorin e vet.

“Ky bashkëpunim me zonjën Graf, na ka bërë të kuptojmë se me ndihma të tilla humane dhe sens të lartë e të kualifikuar sa i përket sektorit turistik, mund të arrijmë të bëjmë të mundur realizimin e strategjive tona zhvillimore në çdo fshat çka do të sillte dhe uljen e papunësisë dhe varfërisë si dhe do të ndikonte në prosperitetin e krahinës.” tha Kryetari i Bashkisë.

DSC07121
DSC07143
7
12
11
9
8
1
2
3
4

Kendi i BE Mirditë organizon Programin 3-ditor "Mësojmë për Bashkimin Evropian"

Kendi i BE Mirditë organizoi në datat 26-28 Dhjetor 2017 një Program 3-ditor “Mësojmë për Bashkimin Evropian” me të rinj dhe të reja të Gjimnazit Rrëshen në Pallatin e Kulturës, Mirditë.

Gjatë këtij aktiviteti, Koordinatorja e Këndit të BE-së në Mirditë, pranë bashkisë së këtij qyteti bëri një prezantim të shkurtër rreth funksionimit të Këndit të BE në këtë qytet si dhe shërbimeve dhe mundësive që ofron ky kend në varësi të nevojave e interesave të të rinjve. Gjithashtu Znj.Daçi, së bashku me Koordinatoren Back-Up, Borana Pepa, bëri një prezantim në lidhje me Bashkimin Evropian, historikun e tij, që prej krijimit deri në ditët e sotme, strukturat e BE-së si dhe institucionet më të rëndësishme të saj. Nxënëseve, iu dha një informacion i përgjithshëm mbi programet e edukimit dhe të trajnimit të Bashkimit Evropian, të vlefshme për grup – moshën e tyre. Njëkohësisht, nxënësit patën mundësi të marrin edhe materiale informuese në lidhje me BE.

Takimi vazhdoi me një seksion pyetjesh dhe përgjigjesh, në formë konkursi mes 2 grupeve, duke testuar kështu njohuritë e nxënësve mbi datat e rëndësishme, strukturën dhe historinë e Bashkimit Evropian. Këndi i BE në Mirditë i cili ndodhet tashmë në ambjentet e Bashkisë së këtij qyteti, mirëpret vizita të ardhshme nga të gjitha shkollat 8-vjecare apo të mesme të Bashksië Mirditë.

Për të kërkuar një vizitë ne kendin e BE Mirdite apo per te kerkuar nje sesion informimi me te rinjte, Ju lutemi kontaktoni në adresën e postës elektronike: bashkia@bashkiamirdite.gov.al.

Për më shumë informacion mbi programet e BE-së për arsimin dhe trajnimin per te rinjte dhe te rejat Ju lutem , vizitoni: http://ec.europa.eu/education/index_en.htm

Per me shume informacion ne lidhje ne lidhje me BE, strukturat e saj dhe mundësite qe ajo ofron per te gjithe qytetaret, Ju lutemi vizitoni : www.europa.eu