Kurorëzohet me sukses “Mirdita Fest 2017”

Përfundoi me sukses edicioni i III-të i Mirdita Fest 2017, një event muzikor rinor i përvitshëm, nën organizimin e Bashkisë Mirditë. Ky edicion solli prurje të reja artistike në interpretim, ndërkohë që konkurohej për çmimin e madh “Gjok Beci”, si homazh ndaj poetit të madh, me të cilin lidhet fort jo vetëm historia e folklorit mirditas, por dhe ajo e muzikës së lehtë mirditase dhe shqiptare për dekada të tëra.

Tetë artistë të rinj konkuruan për këtë çmim, të ardhur nga gjimnazi Rrëshen, Lezha, Liceu artistik në Tiranë dhe Universiteti i Arteve.

Ra në sy përgatitja e mirë profesionale e konkuruesve, zëri i tyre dhe teknikat interpretuese.

Publiku priti me entusiazëm edhe orkestrën për disa performanca live, si dhe një orkestrale të punuar si gërshetim në traditë me rrymat moderne. Në bilbil Mark Gjonaj, çifteli Pashk Filopati & Gezim  Gjonaj; sint  Blert  Leci, kitarë  Jurgen Cara, bateri Beriland Kadeli dhe trompon Gezim Tusha. Këngëtarët si Adelion Kola e Daniela Koka apo Sabina Dona preferuan të interpretojnë edhe live, duke qenë plotësisht të sinkronizuar me orkestrën që vinte si formacion-risi në këtë edicion.

Juria e përbërë nga koreografi i njohur Arjan Sukniqi, Gerti Druga, muzikant dhe drejtor artistik i Ansamblit të Shtetit, Synjona Papleka, muzikante pianiste, Genc Kastrati, solist në valle me Ansamblin e Shtetit, duke vlerësuar gjithë artistët konkurues dhe ata që përshëndetën dhanë çmimet si më poshtë:

Çmimin e tretë Xhesika Doçi; çmimin e dytë Ester Gjoka.

Ndërsa është vlerësuar me çmimin e madh “Gjok Beci” për edicionin e III-të në “Mirdita Fest 2017”, këngëtarja e re Sabina Dona, cmim i cili i është dorëzuar nga ana e Sekretarit të Përgjithshëm të Bashkisë Mirditë, z. Nikoll Gjikolaj.

Në emër të Kryetarit të Bashkisë z. Ndrec Dedaj, këtij çmimi i është adresuar edhe stema e bashkisë si souvenir i punuar në qelq, ndërkohë që në emër të kryebashkiakut Dedaj solli përshëndetjet e tij më të ngrohta për artistët e rinj dhe gjithë stafin organizator Kryetari i Këshillit të Bashkisë z. Pjetër Pjetri.

Arian Sukniqi si kryetar Jurie ne fjalën e tij përgëzoi gjithë artistët pjesëmarrës, ndërsa u shpreh me entuaziazëm për Rrëshenin dhe Mirditën, ku dhe ai vinte për herë të parë, por i mbushur me plot mbresa dhe emocione, duke u shprehur me metaforën si “qytet në shpërthim” në të gjitha fushat, infrastrukturë dhe mobilim urban por dhe për një pasuri të vlertë kombëtare sa i përket kulturës dhe trashëgimisë. Bashkëpunimet me Bashkinë Tiranë, tha ai, kanë qenë modeli më i mirë i bashkëpunimit në mes bashkive në Shqipëri, dhe që synohet shtrirja më tej. “Kësisoj, që tani,  po mendojmë që, pikërisht me Mirditën, ne të realizojmë një nga produktet më interesantë të vitit që vjen me Ritualin e Jetës që do të ketë dy premiera, njërën këtu në Mirditë dhe tjetrën në Tiranë tek Amfiteatri i ri Veror që përurohet në muajin prill të vitit të ardhshëm.” u shpreh z.Sukniqi.

Çmimet u shoqëruan dhe me kontribute simbolike financiare nga bizneset: bar-kafe “Filopati i Ri”; resort “Lugina” në Katundin e Vjetër dhe Boutique ” Luisa” ne Rreshen.

Sollën përshëndetje të ngrohtë për publikun përmes këngës dhe dy motrat Tusha, Armela dhe Ardita Tusha.

Për realizimin e këtij eventi me rëndësi për vitin kulturor, u impenjuan gjithë stafi i pallatit të kulturës, një event i moderuar nga përgjegjësi i tij Gjergj Marku; drejtues artistik Mark Gjonaj, skenografia Paulin Pali dhe audio-foni e ndriçim Lin Kiku.

Edicioni i radhës synon ta shtrijë këtë çmim edhe më tej në hapësirën shqiptare.

25
24
23
22
21
20
15
14
13
11
10
9
7
6
5
8
2
1
3
4

Bashkia Mirditë lançon projektin “Dua edhe unë një strehëz!”

Bashkia Mirditë ka lançuar mbrëmjen e sotme projektin “Dua edhe unë një strehëz!”, një nismë e Kryebashkiakut z.Ndrec Dedaj, përmes Fondacionit për Zhvillimin e Mirditës.

Në eventin lançues të projektit, bizneset e zonës dhe qytetarë u ftuan të kontribuojnë për rikonstruksionin e banesave të 50 familjeve në nevojë.

Kryetari i Bashkisë iu bëri thirrje të pranishmëve për të ndihmuar familjet e identifikuara përmes këtij projekti bamirësie.

“Nuk ka vlerë asnjë lloj investimi në Mirditë, as të qenurit Kryetar Bashkie kur në territorin e Bashkisë time ka familje të tilla që jetojnë në varfëri ekstreme.” tha në fjalën e tij z.Dedaj.

I pranishëm në aktivitet ishte gjithashtu Ipeshkëvi Monsinjor Gjergj Meta, i cili iu bëri thirrje sipërmarrësve të kontribuojnë për këto familjet në vështirësi ekonomike. “Mos të harrojmë varfërinë ku jemi rritur shumë prej nesh. Dhe në këtë mënyrë ne thjesht kthejmë tek këto njerëz atë që na është dhënë neve.” u shpreh Ipeshkëvi i Mirditës.

Disa prej biznesmenëve të pranishëm shprehën gadishmërinë për të marrë përsipër rikonstruksionin e banesave për disa familje, ndërsa të tjerë deklaruan se në ditët në vijim do të kontribuojnë përmes Fondacionit për Zhvillimin e Mirditës, duke dhënë donacione.

Projekti “Dua edhe unë një strehëz!” ka identifikuar 130 familje në nevojë, të cilët jetojnë në kushte të papërshtatshme jetese, por 50 prej tyre janë klasifikuar si familje me nevojë urgjente për rikonstruksion të banesave në fazën e parë të projektit, pasi janë në pamundësi ekonomike, sociale dhe shëndetësore.

Për këtë projekt mund të kontribuojë kushdo përmes llogarive bankare:

Fondacioni për Zhvillimin e Mirditës

Banka Kombëtare Tregtare

IBAN LEKË: AL8320515616000222CLTJCLALLJ

IBAN EURO: AL4520515616000222CLTJCFEURC

IBAN DOLLAR:AL0820515616000222CLTJCFUSDF

coveri video
1
8
20
26
30
17

Mirdita hijeshon “Ditën e Maleve” në Dajt

 

 

Edicioni i rradhës i “Dajti n’Fest 2017” me rastin e promocionit ndërgjegjësues për Ditën e Maleve, solli një bashkëpunim si rrallë herë në mes dy bashkive, asaj Tiranë dhe bashkisë Mirditë.

Pas Tirana-Folk, vitin e kaluar në amfiteatrin e Liqenit të Tiranës, ky bashkëpunim ishte akoma më domethënës dhe nje model se si mund të shërbejnë punët e përbashkëta në mes dy bashkive në fushën kulturore dhe turistike etj.

Gjithë perceptimi dhe ndërtimi i një veprimtarie të tillë, nisi me inspirimin direkt të kryebashkiakut z.Ndrec Dedaj, për të nxitur realizimin e një aktiviteti multidimensional që do të kishte në aksin kryesor të vet përshtatjen me elmentët e tjerë të “Dajti n’Fest  2017”,  ku duhej realizuar motoja: përqafojmë natyrën me traditën!

Gjate ketij aktiviteti u bë edhe inagurimi i pistës së Paragliding dhe u zhvilluan fluturime me balonë dhe hiking, ku të apasionuarit shoqëroheshin nga profesionistë nëpërmjet aplikacionit TIO si dhe sporte të tjera ekstreme.

“Dajti N’Fest 2017” vinte si një iniciativë e Agjencisë së Parqeve dhe Rekreacionit –Bashkia Tiranë në bashkëpunim me Agjencinë Kombëtare të Zonave të Mbrojtura dhe EDS Foundation, dhe ku ansambli Mirdita dhe zejet e Mirditës paten peshën kryesore sa i përket:

– Logun e Këngës (këngë, valle, muzikë etj).
– Logun e Gatimeve Tradicionale.
– Logun me Erna & Erza (bimë medicinale, vajra, çajra, aroma).
– Logun e Zejeve (avlemend, artizanat, mulli guri, vegjepunuese, art ne dru, etj.).
– Logun e Dokeve dhe Zakoneve (Marrja e Nuses, Kanga e Krushqve, Oda e grave, Oda e Kuvendit), etj.
Ansambli i Mirdites u paraqit si një aset i çmuar në këtë ditë aq sa ngjalli simpati të jashtëzakonshme, jo vetëm tek drejtuesit e bashkisë dhe Ministrisë së Turizmit, por dhe tek publiku i shumtë që kishte ardhur të shijonte Dajtin e Traditës dhe të Aventurës.

Në regjinë e koklavitur të kësaj dite të shënuar, ndihmuan gjithë specialistët e Agjencisë së Parkut të Rekreacionit dhe veçmas mjeshtri Arjan Sukniqi.

Fabulat e sjella nga artistët e Ansamblit por dhe zejtaret e moshuara si Martine Tuci apo Bardhe Pjetraj, ishin qershia mbi tortë e show-t special që dha për publikun Ansambli Mirdita pikërisht në fushën e mbuluar nga dëbora.

Riti i dasmës së Mirditës, që kësaj radhe ishte perceptuar si një ndërlidhje krushqish të hershme “për të kaptuar 9 male”, bëri pjesë të saj edhe vetë kreun e bashkisë Tiranë, Erion Veliaj, ndërsa Nusja e Ansamblit me veshjen e traditës të kuruar me shumë kujdes, hijeshoi gjithë “amfiteatrin bjeshkor etnokulturor” në Dajtit n’Fest!

Pas ndarjes së çmimeve për lojërat, hedhjet, çiklistët etj, në skenën e mbushur me artistë të Mirditës, kryebashkiaku i Tiranës Veliaj përgëzoi Bashkinë Mirditë dhe artistët mirditas duke u shprehur me superlativa për këtë visar të çmuar tashmë të trashëgimisë kombëtare.

Në fund të aktivitetit në një lokal ekologjik të Dajtit, kryebashkiaku Ndrec Dedaj, përgëzi artistët e këtij ansambli dhe drejtuesit e tij për punën e frytshme dhe këtë realizim spektakolar në Dajt. Ai u shpreh se të gjithë ne duhet ta ruajmë fort këtë “patentë të çertifikuar” ne syte e publikut shqiptar në klasin më të lartë, ndaj si ai personalisht dhe e gjithë bashkia qe drejton do të ushtrojë gjithë kujdesin dhe mbështetjen e tyre, për një Ansambël që konkuron denjësisht kudo, që paraqet dhe promovon  Mirditën jo vetëm në skenat lokale a gjetkë, por dhe në evente të tilla të mëdha, siç ishte ky bashkëpunim, Bashkia Tiranë dhe Bashkia Mirditë.

Viti 2018 do të sjellë të tjera surpriza akoma me te bukura, u shpreh kryebashkiaku Dedaj, ne bashkepunimet sinkronizuese me bashkinë më të madhe në vend, por dhe të tjera si dhe ministri apo agjenci turistike si brenda dhe jashtë vendit.

16
17
18
19
20
23
24
27
28
32
38
24883690_10156008187691926_4712752229590589418_o
24899948_1536140889839693_4917609012997952491_n
25073093_10156008188326926_2867252389262565516_o
25073259_1536143073172808_6975283667771888597_o
ansambli
1
2
3
4