Ministrja BALLUKU inspekton punimet ne rikonstruksionin e Ujësjellësit Rrëshen

-Së shpejti, Rrësheni dhe zonat e tjera përreth do të kenë 24 orë uji të pijshëm-

Me një fond prej 80 milion lekësh nga Qeveria Shqiptare, po bëhet i mundur rikonstruksioni i plotë i rrjetit të ujit të pijshëm në qytetin e Rrëshenit dhe zonat përrreth si dhe shtimi i sasisë prurëse dhe shpërndarëse për të furnizuar pa ndërprerje për 24 orë me ujë të pijshëm qytetin dhe zonat përreth.

Belinda BallukuMinistre e Infrastrukturës dhe Energjisë, inspektoi punimet që po kryhen falë investimit të qeverisë shqiptare dhe të realizuara nga Bashkia Mirditë. Ajo u taku me kryetarin e bashkisë z.Ndrec Dedaj, me drejtues të ujësjellësit, punonjës e personelin drejtues dhe teknik të kompanisë, që po realizon projektin e rëndësishëm , i cili shterron nevojat që kishte komuniteti i Rrëshenit për ujë të pijshëm prej 30 viteve.

Kryetari i bashkisë Ndrec Dedaj i bëri me dije ministres se punimet kanë ecur mirë sipas planifikimit, dhe se falë kësaj ndëryrje që prej vitit 1968 ne rrjetin ekzistues të pandërhyrë me themel, Rrësheni dhe rrethinat e tij do të kenë ujë të pijshëm 24 orë, duke hequr makthin e orareve. Janë kryer punime si për shtesën e depozitave, ashtu dhe në gjithë rrjetin, po ashtu për stacionin e pompave. Do të kemi një depozitë të re me vëllim 1000 m3, që i shtohet dhe dy të tjerave, si dhe një pompë të re që shton sasinë e ujit tek depozita në nivel më të lartë, cka mundëson që uji i pijshëm të shkojë në cdo pallat e banesë në zonat e larta. Dyfishohet sasia e prurjeve pas Bargjanës edhe nga stacioni në lumin e Fanit ku do të vihen dy pompa të prodhimit gjerman, të cilat janë moderne që harxhojnë shumë pak energji elektrike. Po ashtu përmrësohet rrjeti i fshatrave me ujin e Bargjanës. Ai falenderoj ministren dhe stafin e saj që po u japin zgjidhje për ujin e pijshëm edhe qendravë të tjera urbane të Mirditës si Rubiku apo Repsi e zona të tjera.

Minstrja Balluku falenderoi bashkinë për seriozitetin e treguar sa i përket projekteve dhe menaxhimit në terren të zbatimit të tyre, duke theksuar se falë këtij investimi, 16 mijë banorëve apo bisneseve në qytet e rreth e qark, u rritet cilësia e jetës. Kështu bashkia Mirditë është përfshirë në projektin e 53 qendrave të banuara, që do të kenë ujë pandërpreje, një masterplan i Qeverisë Shqiptare, dhe fakti që punët janë bërë shumë mirë dhe sjellin impakt të fortë tek qtetarët e këtij rajoni, na gëzon dhe na bën shpresplotë për të vazhduar me projekte të tjera.

Kryebashkiaku Dedaj, theksoi faktin se projekti në fjalë brenda korrikut do të jetë i përfunduar, dhe me këto afate merr fund dhe odisea e pakëndshme e ujit me orare në qytetin tonë dhe zonat e tjera përqark, duke shtuar se do i kushtohet kujdes përdorimit të gjithë asetit të krijuar për të mos lejuar asnjë abuzim të kundravajtësve në rrjetin e ri.

Takim gjatë fazës së parë të aktivitetit për emergjencat civile

 

Bashkia Mirditë në kuadrin e politikave  për rritjen e kapaciteteve menaxhuese të emergjencave civile, u bë pjesë e zbatimit të projektit “Host Nation Suport”.

Nga data 23-26 prill 2019 në ambjentet e Infokulla Mirditë u zhvilluan punimet e konferencës ndërkombëtare me titull “Host Nation Suport”  një  projekt në dy faza i Komisionit Europian për Aktivizimin e Mekanizmit të Mbrojtjes Civile, i cili menaxhohet nga Landi i Steiermark në Austri dhe shoqata Austriake D.M.A.T. Consulting KG (Disaster Management Advive &Training).

Projekti ka për qëllim të rrisë kapcitetet për mbrojtjen civile në BE duke trajnur një skuadër të mbrojtjes civile, si dhe një skuadër për mbështetje dhe asistencë teknike. Trajnimi bazohet mbi modulet e BE dhe aftëson drejtuesit e skuadrave edhe në Shqipëri. Në të njëjtën kohë i ofron Shqipërisë, si vendi pritës, mundësinë që stafti i emergjencave te aftësohet për përfshirjen në ndihmat ndërkombëtare për emergjencat civile, dhe aktivizimin e mekanizmave të ndihmës.

Trajnimet zhvillohen  për të testuar të ashtuquajturën “Udhëzimet për Mbështetje të Vëndit në Emergjencë”, dhe konkretisht menaxhimin e situatave potenciale të tërmeteve në teritorin e Bashkisë Mirditë.

Në fazën e parë u zhvillua takimi i palëve të interesit dhe trajnimi i trajnerëve i cili konsistonte kryesisht në njohjen e manualit të veprimeve për emergjencat civile të Bashkimit Europian dhe rrugët se si një shtet në nevojë kërkon ndihmën ndërkombëtare.  Gjithashtu ekipi ndërkombetar u njoh me strukturën e Emergjencave Civile Shqiptare  nga niveli lokal deri në atë qëndror .

Faza e dytë e projektit, e cila do zhvillohet  në Rubik /Mirdite  në fillim të muajit korrik 2019, konsiston në ushtrime në tavolinë  për menaxhimin e situateve emergjente në rast tërmeti në territorin e Bashkisë Mirditë. Mënyra e funksionimit të shtabit lokal, rajonal, qëndror dhe ndërkombetar do të improvizohet gjatë kësaj periudhe.

Kryetari i Bashkisë Mirditë Z. Ndrec Dedaj, i interesuar për rritjen e kapaciteteve për përballimin e emergjencave civile, falënderoi grupin menaxhues të projektit dhe Zonjën Marianne Graf për përfshirjen e Shqipërisë dhe në veçanti përfshirjen e Bashkisë Mirditë në këtë projekt të Komisionit Europian.

Zoti Dedaj informoi drejtuesit e projektit dhe pjesmarrësit ndërkombëtare mbi karakteristikat që ka territori i Bashkisë Mirditë, mundësitë për rastet e katastrofave natyrore, si dhe problematikat që u shfaqen pas reformës administrative në lidhje me burimet njerëzore e logjistike për emergjencat civile.

Partnerë nga Gjermaia, Rumania dhe ekspertë të Kombeve të Bashkuara, Drejtorisë së Përgjithshme të Emergjencave Civili në Shqipëri, Prefekturës Lezhe ishin pjesëmarrës në këtë aktivitet, i cili monitorohej nga përfaqësues të Komisionit Evropian.

Gjatë qëndrimit në Mirditë  pjesëmarrësit ndërkombëtarë u njohën me kulturën, artin dhe historinë tonë, si dhe  shijuan mikpritjen shoqëruar me gatimet plot shije të zonës.

Në përshtypjet e lëna gjatë largimit të tyre ata u shprehën:

“Ne themi 1000 herë faleminderit për mikpritjen e veçantë, mbështetjen, bashkëpunimin dhe miqësinë e treguar nga stafi mbështetës i Infokulla Mirditë dhe kolegët nga emergjencat civile Shqiptare! Gjithashtu falënderime të përzemërta për Kryetarin e Bashkisë Mirditë për ftesën dhe mikpritjen! Mirupafshim në korrik!”

 

f5
f4
f3
f2
f1

 

 

Bashkia nderon Prijësin e Mirditës Preng Bib Doda në 100 vjetor

 

 I vihet emri rrugës kryesore hyrëse për në qytetin e Rrëshenit –

Prijësi i Mirditës, Preng Bib Doda, i cili u vra pabesisht para plot një shekulli, është nderuar nga Bashkia Mirditë përmes një aktiviteti multidimensional nën kujdesin e drejtpëdrejtë të kryetarit Ndrec Dedaj. Në qendër të këtij nderimi ka qenë vendosja e emrit të rrugës hyrëse, e cila prej një viti ka një fizionomi tërësisht bashkëkohore në çdo parametër, e që prej kësaj dite, do të ketë emrin e Prijësit Preng Bib Doda.

Veprimtaritë e kësaj dite nisën me një koncert të bandës frymore tek rrethrrotullimi hyrës në qytet, ku është vendosur dhe njëra ndër pllakat me emrin “Rruga Preng Bib Doda”, ndërsa dy pllaka të tjera janë vendosur në fillim të kësaj rruge si dhe në pikëprerjen me rrugën “At Gjergj Fishta” në qytet.

Drejtues të Bashkisë e të Këshillit Bashkiak, familjarë dhe pasardhës të Derës kapidanore  si dhe qytetarë të shumtë fillimisht kanë nderuar hymnin e Flamurit Kombëtar, ku është zbuluar dhe pllaka me emrin e Princit Preng Bib Doda nga kryebashkiaku Dedaj dhe të afërm të Familjes.

Më pas veprimtaria ka vazhduar në sallën e koncerteve të pallatit të kulturës, ku fillimisht të pranishmit dhe qytetarët kanë shijuar një minikoncert nga banda frymore në sheshin Abat Prend Doci.

Veprimtaria është perceptuar në formën e një Akademia Përkujtimore ku është folur për figurën dhe veprimtarinë e Prijësit Preng Bib Doda deri në fund të jetës së tij.

Në fjalën e tij përshëndetëse kryetari i bashkisë z. Ndrec Dedaj theksoi  se “sot Bashkia Mirditë hyrjes së qytetit Rrëshen, një rrugë e rindërtuar plotësisht nga e para, e pagëzoi me emrin e prijësit të Mirditës Preng Bib Doda, një nga figurat qëndrore të historisë së Shqipërisë, në luftë për liri dhe pavarësi të Shqipërisë. Një nga burrat më të zot, i konsideruar nga studiuesit dhe historianët si fenomeni Preng Bib Doda. Fatkeqësisht, deri më sot, ky burrështetas por edhe të tjerë, nuk e kanë marrë dimensionin e duhur kombëtar. Ka ardhur momenti që t’ia japim dimensionin e duhur lokal edhe kombëtar këtij prijësi të madh të Mirditës, i njohur brenda dhe jashtë kufinjve të Shqipërisë. Është një dimension të cilin nuk ja dhurojmë, por e ka fituar me luftë, me sakrifica, me kulturën, me dijet, me diplomacine dhe me forcën e një ushtaraku të zot.

Ai e ruajti Mirditën të pastër, falë gërshetimit të forcës me diplomacinë, duke e ruajtuar këtë oaz të Mirditës të paprekur në besimin e tij në Zot dhe në Krisht. Pra është zotësia e këtyre burrave të mëdhenj, e Bib Dodës para Tij, princ i njohur dhe ushtarak brenda dhe jashtë Shqipërisë, por që Preng Bib Doda nuk qëndroi në hijen e të atit të vet, përkundrazi, e çoi më lart emrin e Bib Dodës duke luftuar dhe duke dhënë kontribut të jashtëzakonshëm për lirinë dhe pavarësinë e vendit. Dy herë zevendës kryeministër i Shqipërisë, dy herë minister dhe pretendent për fronin mbretëror.

Më tej kryebashkiaku Dedaj u shpreh se Bashkia Mirditë në një kohë të shkurtër do të marrë iniciativa të ndërtojë në sheshin e bukur “Abat Doçi” shtatoren e Preng Bib Dodës dhe të Abat Doçit, si bashkohës që kanë gërshetuar me njëri tjetrin; njëri diplomacinë e tjetri udhëheqjen luftarake.

Por Bashkia Mirditë në bashkëpunim me qeverinë shqiptare, premtim dhe i Kryeministrit, pasi Oroshin e kemi futur në programin e 100 fshatrave për shkak të historisë, normalisht duke bashkëpunuar dhe gjetur konsensin e familjarëve, t’i kthejmë sarajet e Kapidanit si dikur, një kullë pritëse të Mirditës bashkë me konviktin, bashkë me Abacinë duke bashkëpunuar ngushtësisht me Dioqezën, me qëllim që kjo familje e Princave të Mirditës me Preng e Bib Dodën e të tjerë pasardhës të marrin dimensionin e duhur lokal e kombëtar, që Oroshi dhe Mirdita të vizitohen e të shikojmë gjera konkrete, që për fat të keq sot nuk ekzistojnë nga shkatërrimet e sitemit të kaluar. Pra kemi gjithë vullnetin e duhur që këtyre figurave t’u japim dimensionin e duhur, ka përfunduar kryebashkiaku Dedaj

Më pas ka përshëndetur Ipeshkëvi i Dioqezës Gjegj Meta, i cili ndër të tjera tha: Ka një popull në ketë Ballkanin tonë e Europën tonë që ka ruajtur identitetin e vet kombëtar mes peripecive më të mëdha që mund të ketë kaluar. Dhe ky është populli shqiptar. Dhe në këtë popullin shqiptar ka një komunitet që ka ruajtur të paprekur jo vetëm identitetin nacional, por ruajti dhe fenë e vet, e  këta janë katolikët shqiptarë. Por ndërmjet këtyrë katolikëve shqiptarë ka një bërthamë njërëzish, që jo vetëm ruajtën identitetin kombëtar, jo vetëm ruajtën të paprekur besimin, por u qeveris me ligjet e veta.

Duke u shtyrë në historinë e lidhjeve Abaci-Kapidanat, ipeshki thkesoi se kjo lidhje ndërmet Abatit dhe Kapedanit, sidomos në kohën e Abat Doçit ka qenë shumë e fortë edhe pse në raste nuk ka qenë një bashkëjetesë fort e lumtur ndërmejt tyre. Por koha e Abat Docit dhe Preng Bib Dodës ka qënë mjaft e mirë.

Ndaj dhe ne sot bashkë me kryetarin e Bashkisë, bashkë me të gjithë faktoret e duhur, jam i sigurtë se do ti kthejmë diçka të bukur Oroshit. Ne e kemi nisur tashmë bashkëpunimin, një bashkëpunim që do t’i sjelli Oroshit diçka të bukur qoftë Abacinë me gjithe kompleksitetin e saj, e shpresojmë edhe Sarajet e Kapidanit. Por të mos jetë një vend që të kujtohen të vdekurit, por një vend ku të shkojnë të gjallët, për të rifreskuar historinë dhe për të marrë frymezim për të ardhmen e Mirditës dhe të Shqipërisë, ka përfunduar Ipeshkevi Meta.

Në emër të familjes ka përshendetur Artan Lleshi (Gjomarku) i cili ndër të tjera tha se “Jam sot para Jush jo vetëm në emrin tim personal por edhe në emër të gjithë pasardhësve të Kapedanit të Mirditës, Gjon Marka Gjoni, të cilët ju përcjellin përgëzimet më njerëzore për vlerat dhe traditat që po ruan Mirdita. Dera e Kapedanit të Mirditës si sot 100 vjet më parë përcolli në parajsë prijësin dhe fisnikun e saj Preng Bib Doda. Por një patrioti mund ti hiqet jeta, por jo lavdia. Si sot 100 vjetë më pare, as dera e Kapidanit të Mirditës nuk e dinte se Mirdita vetëm pas një shekulli do ta përjetësonte prijësin e saj. Por qoftë kjo rrugë, rruga e bekuar së cilës ardhshim miq e kohë të begata për Mirditën dhe 12 bajrakët e saj të lavdishëm. Rruga “Preng Bib Doda” sjelltë në zemrat e Mirditës përgjithmonë Pashkë e Këshendella të lumtura, ka përfunaduar Aratn Gjomarku.

Ndërkohë historianët Gjet Ndoj dhe Nikoll Loka janë ndjekur me mjaft vemendje nga të pranishmit për faktet historike që përcollën, faktë të cilat e ngrejnë më në piedestal këtë figure të papërsëritshme të Mirditës, krenari mbarëkombëtare.

Më tej ka përshëndetur Filip Gjomarku i cili ka falenderuar të gjithë vendimmarrjen për këtë emër që i jepet rrugës hyrëse në qytetit. Ndërkohë Dom Nik Ukgjini ka folur mbi perceptimin e kapidanatit në Kosovë sidomos kur vendi ishte i ndarë.

Aktiviteti është mbyllur me një koncert festiv me pjesë folklorike nga Ansambli Mirdita dhe muzikë klasike nga grupe të ftuara, për t’u përmbyllur me një kokteil.

2
IMG_6396
13
P3250025