Në përurimin e Pallatit të Sportit “Arjana Arapi”

-Në shtëpinë tonë të re të lojrave me dorë…

Ditën e shtunë  u bë inagurimi  i Pallatit të sportit “Arjana Arapi” i rikonstruktuar tërësisht me të gjithë aksesorët e kohës.

Në fjalimin e tij z. Ndrec Dedaj kryetari i bashkisë u shpreh se është dhurata më e bukur  që mund t’u bëhej të rinjëve, qytetarëve dhe sportdashësve  të Mirditës.Ky investim u financua nga qeveria qendrore në bashkëpunim me Bashkinë Mirditë.Gjithashtu z. Dedaj  u shpreh se ishte thellësisht mirënjohës ndaj  qeverisë dhe kryeministrit Edi Rama për këtë dhuratë të çmuar si dhe mirënjohje pafundësisht deputetes Lindita Nikolla për inicimin, argumentimin dhe mbështetëjen e fortë për ta financuar këtë projekt shum të dëshiruar nga sportistet dhe sportëdashësit Mirditorë!

Në rradhën e qytetarëve protagonistë të fitores së vajzave të Mirditës kur mposhtën Barletin, të shumtë ishin edhe personalite nga sporti dhe jo vetëm.

Këtu dua të veçoj pjesëmarrjen e  prefektit z. Gjokë Jaku, kryetarit të Komitetit Olimpik  Kombëtarë Shqiptarë, z. Erlind Pëllumbi, Gazetari i mirëjohur shqipetarë z. Dëfrim Met’hasani, ish sportistja e këtij ekipi znj.Marjana Suli si dhe shumë sportistë të vjetër që kontribuan ndër vite  në krijim dhe mbajtjen gjallë të këtij sporti aq të dashur për vendasit.

Mirdita në 75-vjetorin e Çlirimit, 26 Tetor 1944-2019

 

Në veprimtaritë e 75 vjetorit të Çlirimit të Mirditës, sipari u hap me Kupën “75 Vjetori”, me spartakiadën e shkollave të mesme të Mirditës në disa disiplina sportive si futboll djem e vajza, voleiboll, tërheqje litari etj. Spikatën ekipet e shkollave të mesme në Rrëshen, Rubik e Fan. Kupën e fitoi Gjimnazi Rrëshen me grumbullim pikësh më të shumta.

Përgjatë javës u mbajtën një një sërë veprimtarishë kulturore, artistike, sportive, peligrinime historike, vizita muzeale etj. Gjithçka kulminoji  ditën e shtunë me 26 tetor në kremtimin nderues dhe festiv per 75 vjetorin e çlirimit të Mirditës.

Një javë veprimtarishë e organizuar nga Bashkia Mirditë në bashkepunim me Komitetin e veteranëve dhe Organizatën e familjeve të dëshmorëve, ZA dhe shkollat e Mirditës.

 

 

Rrugës për Marub " Dasma e Arbrit"

 

– Gjatë ditës së djeshme në Infokulla Mirditë

u zhvillua një aktivitet turistik tejet i larmishëm që la mbresa te pashlyeshme për ata që e kanë ndjekur  nga afër. “Rrugës për Marub” event i organizuar në bashkëpunim me Ministrinë e Mjedisit dhe Turizimit, Bashkinë Mirditë  si dhe në bashkëpunim me shoqatat ODA, Penta dhe Publicita. Shpk.

Pas ceremonisë së hapjes nga drejtyese e ODA, Zana Sina, në një mjedis të hareshëm, erdhi pjesa e turneut gastronomik mbi produktet dhe nënproduktet e zonës, parada e veshjeve tradicionale, aktivitete muzikore lokale të kombinuara me ato moderne për gjithë të pranishmit të ftuar dhe vendas. Dhe natyrisht qershia mbi tortë si përherë në veprimtari të tilla turistike, artistet e Ansamblit Mirdita që përcollën ritualin e hershëm të Dasmës së Mirditës, ksaj rradhe titulluar “Dasma e Arbrit”.

Përshëndetje speciale sollën per këtë event kryetari i bashkisë Mirditë z.Ndrec Dedaj si dhe Ministri i Turizmit z.Blendi Klosi, që e quajti risi kombëtare këtë veprimtari të këndshme në Mirditën e historive të mëdha dhe pasurive te shumta turistike.