Je një i ri në moshën 18–35 vjeç?
Ke ide, pyetje, dëshirë për të kontribuar apo thjesht për të ndarë mendimet e tua?
Kryetari i Bashkisë Mirditë, z. Albert Melyshi, ju fton në një takim të hapur me të rinjtë, më datë 4 Korrik 2025, në orën 10:00, në sallën e Këshillit Bashkiak Mirditë.
Le të diskutojmë së bashku për çështjet që na prekin, për mundësitë që kemi dhe për atë çfarë mund të ndërtojmë së bashku.
Bashkia Mirditë ka ndërmarrë një ndërhyrje në sistemin e mbrojtjes kundër zjarrit, përmes vendosjes së 15 hidrantëve të rinj, të jashtëm dhe nëntokësor, në pika strategjike të qytetit dhe njësive administrative.
Hidrantët janë vendosur në këto zona:
1. Hyrja e qytetit Rrëshen
2. Lagjja e Re e Rindërtimit
3. Pranë Stacionit Zjarrfikës
4. Pranë Kryqëzimit, Rrëshen
5. Sheshi “Abat Doci” – 3 hidrantë nëntokësorë.
6. Pranë pallateve parafabrikat
7. Market Conad, Rrëshen
8. Ura e Zmesë
9. Kodër – Rrëshen
10. Malaj
11. Munaz
12. Rubik
13. Mashtërkor – Orosh (autostradë).
Ky investim synon të lehtësojë furnizimin me ujë për mjetet zjarrfikëse dhe të ndihmojë në përmirësimin e reagimit në rastet e zjarreve apo emergjencave të tjera.
Qendra Kulturore e Fëmijëve – Mirditë ishte pjesë e edicionit të 21-të të Festivalit Mbarëkombëtar të Instrumentistëve të Vegjël Popullorë, organizuar çdo vit në Fushë-Arrëz.
Ky festival tashmë i kthyer në traditë, është një përvojë e jashtëzakonshme artistike për fëmijët dhe organizatorët.
Mes shumë grupeve pjesëmarrëse nga treva të ndryshme shqiptare, instrumentistët e vegjël të QKF-Mirditë u vlerësuan me Çmimin e Parë, me motivacionin:
“Për performimin me cilësi të lartë.”
Ky vlerësim përfaqëson një shpërblim të merituar për talentin dhe përkushtimin e fëmijëve tanë, si dhe një nxitje për të vijuar rrugëtimin artistik me pasion dhe seriozitet.
Ditën e Enjte, datë 19.06.2025, ora 10:00 në Bashkinë Mirditë , do të mbahet mbledhja e radhës së Këshillit Bashkiak Mirditë me rend dite si më poshtë:
Bashkia Mirditë përgëzon ekipin e vajzave U-16 për shpalljen kampione kombëtare në volejboll për sezonin sportiv 2024–2025.
Ky sukses i jashtëzakonshëm është rezultat i përkushtimit, punës së palodhur dhe talentit të vajzave tona, si dhe profesionalizmit të stafit teknik.
Titulli kampion është një arritje që nderon jo vetëm sportin mirditor, por edhe të gjithë komunitetin tonë, duke dëshmuar se investimi te të rinjtë dhe sporti sjell fryte konkrete dhe krenari të merituar.
NJOFTIM
Thirrje për shprehje interesi – Paketa e Maleve
Në mbështetje të Ligjit Nr. 20/2025 “Për Paketën e Maleve”, i cili synon të nxisë dhe tërheqë investime për zhvillimin ekonomik dhe turistik në zonat malore me përparësi zhvillimi, Bashkia Mirditë fton të gjithë të interesuarit të shprehin interesin e tyre për përfitim nga kjo paketë.
Projekt-idetë mund të paraqiten: nëpërmjet adresës elektronike info@bashkiamirdite.gov.al ose pranë Zyrës së Informacionit, Bashkia Mirditë, Kati 1.
Duke ju falenderuar për mirëkuptimin!
Më 27 dhe 28 maj 2025, në Bruksel u zhvillua takimi i parë i Komitetit të Përbashkët Konsultativ (JCC) ndërmjet Komitetit të Rajoneve të Bashkimit Evropian dhe përfaqësuesve të qeverisjes vendore nga Shqipëria.
Në këtë forum ndërinstitucional mori pjesë edhe Kryetari i Bashkisë Mirditë, z. Albert Melyshi, si pjesë e delegacionit shqiptar të bashkive.
Ndër të tjera u diskutua për:
-Vlerësimin e impaktit të politikave të BE-së në territor,
-Nxitjen e dialogut të drejtpërdrejtë mbi zhvillimet politike në BE,
-Përfshirjen aktive të bashkive shqiptare në rrjetet evropiane të qeverisjes vendore.
Ky takim shënon një hap të rëndësishëm drejt thellimit të bashkëpunimit ndërinstitucional, duke forcuar dialogun mes autoriteteve vendore shqiptare dhe institucioneve evropiane.
Në datat 26 dhe 27 maj 2025, qyteti i Rubikut u vesh me atmosferë festive për Festën e T’Shëlbuemit, duke sjellë së bashku komunitetin përmes besimit, muzikës dhe sportit.
Mbrëmja e 26 majit u hap me një koncert emocionues në Qendrën Kulturore “Abat Doçi”, organizuar nga Motrat e Shën Xhovana Antidës me këngëtarët e mirënjohura Marie Lajçaj dhe Fatmira Breçani.
27 maji nisi me ritmin e garës në fushën e sportit, ku u zhvillua ndeshja “Kupa e T’Shëlbuemit” për grupmoshën U-11, me ekipe nga Rubiku, Rrësheni, Porto dhe Lezha ku ekipi i Rubikut doli fitues, duke marrë trofeun e kësaj dite festive.
Pasdite qytetarët u mblodhën në Kishën e T’Shëlbuemit për Meshën e Shenjtë.
Mbrëmja kulmoi me një koncert festiv pranë Kishës, ku Ansambli “Mirdita” dhe Rovena Dilo sollën një performancë plot energji duke mbyllur dy ditë festimesh me emocion dhe krenari.
Ditën e Hënë, datë 02.06.2025, ora 10:00 në Bashkinë Mirditë , do të mbahet mbledhja e radhës së Këshillit Bashkiak Mirditë me rend dite si më poshtë:
