Për shpalljen e disa zonave me përparësi zhvillimin e ekonomisë malore në Bashkinë Mirditë.
Bashkia Mirditë informon qytetarët, bizneset dhe të gjitha palët e interesuara se, në zbatim të Ligjit nr.20/2025 për Paketën e Maleve është bërë shpallja e disa zonave me përparësi zhvillimin e ekonomisë malore në territorin e Bashkisë Mirditë me Vendimin e Këshillit të Ministrave Nr. 180, datë 19.3.2026.
1. Zonat e shpallura janë si më poshtë:
Zona nr. 1, fshatrat Fan, Bisakë, Klos, Konaj, Shëngjin, Sang, Thirrë, Xhuxhë, Shtrungaj, Zall Xhuxhë, Katundi i Ri, Dardhëz, Hebe, Domgjon, Gjakëz dhe Munellë, pjesë e Njësisë Administrative Fan, Bashkia Mirditë, qarku Lezhë, me sipërfaqe 17088 (shtatëmbëdhjetë mijë e tetëdhjetë e tetë) ha, sipas hartës në sistemin KRGJSH;
Zona nr. 2, fshatrat Lurth dhe Ujë, pjesë e njësive administrative Kthellë dhe Rrëshen, Bashkia Mirditë, qarku Lezhë, me sipërfaqe 1470 (një mijë e katërqind e shtatëdhjetë) ha, sipas hartës në sistemin KRGJSH;
Zona nr. 3, fshatrat Kullaxhi, Ndërshen, Lgjin, Bulshar, Planet, Nënshejt, Grykë-Orosh, Mashtërkor, Shtrungaj dhe Lajthizë, pjesë e njësive administrative Orosh dhe Fan, Bashkia Mirditë, qarku Lezhë, me sipërfaqe 9078 (nëntë mijë e shtatëdhjetë e tetë) ha, sipas hartës në sistemin KRGJSH;
Zona nr. 4, fshatrat Kodër-Rrëshen, Tarazh, Malaj, Malaj i Epërm, Perlat Qendër, Perlat i Sipërm, Shebe, Tharr, Trojë, Prosek; qyteti Kurbnesh, fshatrat Lufaj, Bardhaj, Lëkundë, Zajs, Kthellë e Sipërme, Kurbnesh-fshat, Mërkuth, Kumbull, pjesë e njësive administrative Rrëshen, Kthellë dhe Selitë, Bashkia Mirditë, qarku Lezhë, me sipërfaqe 19731 (nëntëmbëdhjetë mijë e shtatëqind e tridhjetë e një) ha, sipas hartës në sistemin KRGJSH;
Zona nr. 5, fshatrat Gëziq, Kullaxh dhe Pshqesh, pjesë e njësive administrative Rrëshen dhe Orosh, Bashkia Mirditë, qarku Lezhë, me sipërfaqe 1565 (një mijë e pesëqind e gjashtëdhjetë e pesë) ha, sipas hartës në sistemin KRGJSH;
dh) Zona nr. 6, fshatrat Kaçinar, Arrëz, Kuzhnen, Simon, Shëngjergj, Shtuf, Shpërdhezë, Bukmirë dhe Pshqesh, pjesë e njësive administrative Kaçinar, Orosh dhe Rrëshen, Bashkia Mirditë, qarku Lezhë, me sipërfaqe 10599 (dhjetë mijë e pesëqind e nëntëdhjetë e nëntë) ha, sipas hartës në sistemin KRGJSH;
Zona nr. 7, fshatrat Fierzë, Bulshizë, Fang, Rasfik, Katund i Vjetër, Munaz, Rreja e Zezë, Rreja e Velës, Vau Shkezë, Rrethi i Sipërm, Livadhëz, Bulger, pjesë e Njësisë Administrative Rubik, Bashkia Mirditë, qarku Lezhë, me sipërfaqe 12563 (dymbëdhjetë mijë e pesëqind e gjashtëdhjetë e tre) ha, sipas hartës në sistemin KRGJSH.
2. Shtrirja, kufijtë dhe pikat e hyrjes e të daljes së këtyre zonave përcaktohen në hartën treguese sipas sistemit KRGJSH, që i bashkëlidhet këtij vendimi.
3. Llojet e aktiviteteve, që do të zhvillohen në këto zona, janë:
a) të zhvillimit ekonomik;
b) të zhvillimit industrial;
c) të zhvillimit turistik.
Bashkëlidhur gjeni dhe vendimin përkatës:
https://qbz.gov.al/share/M9B8POYsS9Sp1IicHBpLeQ
