Mirëpritëm në një vizitë zyrtare në Bashkinë Mirditë, Ambasadorin e Sllovakisë në Shqipëri z Albín Otruba, së bashku me Kryetarin e Bashkisë së Pezinokut z. Roman Mács dhe Atasheun Ekonomik pranë Ambasadës së Sllovakisë në Shqipëri z. Ivo Hanuš.

Delegacioni u prit nga Kryetari i Bashkisë Mirditë, z. Albert Melyshi, së bashku me stafin e tij.

Gjatë takimit u diskutuan mundësitë konkrete për zgjerimin e bashkëpunimit në fusha të ndryshme, me fokus në zhvillimin ekonomik, turizmin, bujqësinë dhe projektet e përbashkëta ndërmjet pushteteve vendore.

Vizita vjen në vazhdimësinë e iniciativave të përbashkëta, të nisura me binjakëzimin e Bashkisë Mirditë me Bashkinë Pezinok në Sllovaki, në shtator të vitit 2025.