Lajme

Në takim u diskutua mbi mundësitë e bashkëpunimit në fushat e zhvillimit lokal, shkëmbimit të përvojave dhe nismave me interes të përbashkët për të dy komunitetet.

Palët shprehën vullnetin për vijimin dhe thellimin e bashkëpunimit në të ardhmen.

Kryetari i Bashkisë Mirditë, Albert Melyshi, e cilësoi Javën e Evropës si një moment të rëndësishëm reflektimi mbi rrugëtimin evropian të Shqipërisë dhe partneritetin me Bashkimin Evropian. 

Ai theksoi se mbështetja e BE-së ka sjellë përmirësime konkrete në infrastrukturë, shërbime publike dhe në përafrimin e standardeve vendore me ato evropiane.

Drejtorja e Bashkëpunimit në Delegacionin e BE-së në Shqipëri, Ritva Heikkinen, prezantoi fazën e re të programit, duke theksuar se nga totali prej 11 milionë eurosh, 6.5 milionë euro do të shpërndahen në formë grantesh për bashkitë shqiptare.

Ajo nënvizoi se programi synon rritjen e cilësisë së shërbimeve publike, forcimin e transparencës dhe nxitjen e zhvillimit ekonomik lokal.

Gjatë aktivitetit u theksuan sfidat kryesore të Bashkisë Mirditë, përfshirë emigracionin, zhvillimin ekonomik, infrastrukturën dhe mundësitë për të rinjtë, duke vënë në dukje nevojën për bashkëpunim të ngushtë mes pushtetit vendor, institucioneve qendrore dhe partnerëve ndërkombëtarë.

Në përmbyllje u vlerësua edhe kontributi shumëvjeçar i partnerëve ndërkombëtarë në zhvillimin e zonës, përfshirë Austrinë, Japoninë, Italinë, UNDP-në dhe organizata të tjera, si dhe angazhimi në projekte sociale dhe zhvillimore në Mirditë.

Nën drejtimin e Kryetarit të Bashkisë, z. Albert Mëlyshi, në cilësinë e Kryetarit të Komisionit të Mbrojtjes Civile, u zhvillua mbledhja e radhës e Komisionit të Mbrojtjes Civile, në kuadër të masave për përballimin e Emergjencave Civile gjatë sezonit veror 2026.

Në këtë takim morën pjesë anëtarët e KMC-së, Drejtori i Mbrojtjes Civile për qarqet Shkodër–Lezhë–Kukës, përfaqësues të Prefektit të Qarkut Lezhë, Nënprefekti i Mirditës, si dhe përfaqësues të institucioneve përgjegjëse.

Gjatë mbledhjes u trajtuan masat planizuese, drejtuese, menaxhuese dhe koordinuese që duhet të ndërmerren nga strukturat përgjegjëse për përballimin e situatave të Emergjencave Civile gjatë verës.

U kërkua angazhimi maksimal i të gjitha strukturave përgjegjëse, forcimi i bashkëpunimit ndërinstitucional dhe sensibilizimi i qytetarëve për të shmangur çdo veprim që mund të shkaktojë zjarre.

Bashkëpunimi dhe reagimi në kohë mbeten thelbësore për mbrojtjen e jetës, pronës dhe pasurive natyrore.

Të gjithë së bashku mund të kontribuojmë për një sezon veror më të sigurt për komunitetin tonë.

Takimi u fokusua në forcimin e politikave sociale në nivel vendor dhe në identifikimin e nevojave më emergjente të komunitetit.

Sipas përfaqësuesve të bashkisë dhe ekspertëve të UNDP-së, plani i ri synon të krijojë mekanizma më efikasë për mbështetjen e qytetarëve, me vëmendje të veçantë ndaj grupeve më vulnerabël.

Në kuadër të këtij bashkëpunimi, u bë e ditur se falë partneritetit me UNDP-në do të përshtatet një qendër për të moshuarit në Rubik.

Qendra pritet të ofrojë shërbime të dedikuara për të moshuarit, duke synuar përmirësimin e kushteve sociale dhe rritjen e kujdesit për këtë kategori.

Këto ndërhyrje do të realizohen në kuadër të projektit Leave No One Behind, i cili synon të garantojë që askush të mos mbetet i përjashtuar nga të drejtat, shërbimet publike dhe mundësitë për zhvillim.

Përfaqësuesit e institucioneve e konsideruan këtë nismë një hap të rëndësishëm drejt ndërtimit të politikave sociale më gjithëpërfshirëse dhe përmirësimit të cilësisë së jetës për qytetarët e Mirditës.

Në takim mori pjesë edhe z. Avni Ponari, Konsulli i Përgjithshëm Nderi i Japonisë në Tiranë.

Gjatë takimit, kryetari Melyshi falënderoi për mbështetjen e dhënë ndër vite nga pala japoneze, duke theksuar ndikimin e saj në përmirësimin e kushteve për komunitetin vendas.

Ai nënvizoi se, pavarësisht përpjekjeve për të përmbushur nevojat e qytetarëve, bashkia vijon të përballet me kërkesa të shumta për shërbime në terren.

Ambasadorja Kato shprehu gatishmërinë për vijimin e mbështetjes ndaj Bashkisë Mirditë, përmes granteve dhe fondeve të ndryshme, me fokus projekte në shërbim të komunitetit.

Një tryezë e gjerë debati mbi rishikimin e ndarjes territoriale dhe forcimin e identitetit administrativ të Mirditës u zhvillua këtë të mërkurë në ambientet e Bashkisë Mirditë.

Takimi u organizua nën kujdesin e kryetarit të bashkisë, z.Albert Melyshi dhe mblodhi intelektualë të njohur mirditas, profesorë, ish-drejtues vendorë ndër vite, specialistë të pushtetit lokal, si dhe përfaqësues të administratës dhe komunitetit.

Në fjalën e tij hapëse, z. Melyshi theksoi nevojën për një unifikim qëndrimesh dhe ndërtimin e një perspektive reale për ndarjen territoriale.

Sipas tij, qëllimi është hartimi i një draft-propozimi të konsoliduar për t’ia paraqitur Komisionit për Reformën Administrativo-Territoriale.
Ai vuri në dukje se një pjesë e territoreve historike të Mirditës janë aktualisht jashtë kufijve administrativë, ndërsa shtoi se një dalje e mundshme në vijën bregdetare do të kishte ndikim pozitiv ekonomik.

Gjatë tryezës, pjesëmarrësit analizuan në mënyrë të zgjeruar pasojat historike dhe aktuale të ndarjeve administrative.

U theksua se Mirdita, e njohur tradicionalisht për organizimin në 12 bajrakë – Oroshi, Spaçi, Kuzhneni, Fani, Dibri, Selita, Kthella, Rraza, Kryezezi, Bulgri, Vela dhe Manatia; ka pësuar një tkurrje të ndjeshme territoriale, nga rreth 1715 km² historikisht në 870.26 km² sot.

Pjesëmarrësit nënvizuan se rishikimi i ndarjeve administrative është një proces i mundshëm ligjërisht në një shtet demokratik dhe duhet të bazohet në kritere funksionale, ekonomike, historike dhe identitare.

Në aspektin zhvillimor, u ngritën shqetësime për vështirësitë në administrimin e zonave malore dhe nevojën për menaxhim më efikas të burimeve natyrore dhe potencialit turistik.

Gjithashtu, u evidentua fenomeni i emigrimit dhe shpopullimit, duke u theksuar se modeli aktual i reformës së vitit 2014 nuk ka arritur të japë rezultatet e pritshme.

Reforma territoriale e vitit 2014, sipas studiuesve, ka qenë e njëanshme dhe e pa konsultuar me pushtetin vendor, duke theksuar se decentralizimi nuk është reflektuar në shërbime konkrete për qytetarët.

Ata sollën të dhëna, ku referuar regjistrit të Gjendjes Civile, Mirdita ka aktualisht rreth 34 mijë banorë, ndërsa së bashku me zonat e shkëputura arrin në rreth 55 mijë banorë, me një kontribut që kap mbi 300 milionë euro në GDP kombëtare.
Po ashtu, diskutimet u fokusuan gjithashtu tek problematika e centralizimit, mbivendosja e kompetencave dhe mungesa e investimeve në infrastrukturë, veçanërisht në zonat rurale.

U kërkua që çdo ndryshim i ardhshëm të mbështetet në vullnetin e komuniteteve dhe të shoqërohet me rritje të kompetencave vendore.

Tryeza u vlerësua si një hap i rëndësishëm drejt hapjes së një debati më të gjerë institucional mbi të ardhmen administrative dhe zhvillimore të Mirditës.

Delegacioni u prit nga Kryetari i Bashkisë Mirditë, z. Albert Melyshi, së bashku me stafin e tij.

Gjatë takimit u diskutuan mundësitë konkrete për zgjerimin e bashkëpunimit në fusha të ndryshme, me fokus në zhvillimin ekonomik, turizmin, bujqësinë dhe projektet e përbashkëta ndërmjet pushteteve vendore.

Vizita vjen në vazhdimësinë e iniciativave të përbashkëta, të nisura me binjakëzimin e Bashkisë Mirditë me Bashkinë Pezinok në Sllovaki, në shtator të vitit 2025.

Shoqata Magna Grecia Off-Road e përbërë nga anëtarë të komunitetit arbëresh në Itali, në bashkëpunim me Caritasin Dioqezan të Rossanos, në kuadër të edicionit humanitar 2026, zhvilloi një mision humanitar në Mirditë.

Në fokus ishte mbështetja për nxënësit e shkollës së mesme të bashkuar Reps, përmes shpërndarjes së ndihmave në funksion të përmirësimit të kushteve arsimore.

Bashkia Mirditë shpreh mirënjohje për kontributin e tyre në shërbim të komunitetit.