Në kuadër të përmirësimit të infrastrukturës dhe ambienteve publike, Bashkia Mirditë ka përfunduar vijëzimin e rrugëve dhe është në proces të vendosjes së tabelave rrugore në qytetin Rrëshen, duke ndikuar në organizimin më të mirë të qarkullimit dhe rritjen e sigurisë për këmbësorët.
Gjithashtu janë vendosur kosha për mbeturina në pikat kryesore, duke inkurajuar qytetarët të kontribuojnë në ruajtjen e pastërtisë dhe mjedisit.
Koncert festiv me rastin e festës së Pashkës. Ju ftojmë të na bashkoheni në sheshin “Abat Doçi”, ditën e Dielë në orën 19:00, për të festuar të gjithë së bashku. Ju mirëpresim!
Nxënësit e shkollës Pashko Vasa u angazhuan në pastrimin e qytetit Rrëshen .
Së bashku mund të mbajmë një mjedis të pastër dhe të sigurt për rritjen e një brezi të shëndetshëm.
Ky aktivitet u zhvilllua nga organizata Opportunity Balance and Overcoming në kuadër të projektit “Go Green” .
Bashkia Mirditë vazhdon punën në përmirësimin e infrastrukturës rrugore për t’u përgjigjur kërkesave të qytetarëve.
Në Njësinë Administrative Rubik, në fshatrat Rrasfik dhe Fang, janë sistemuar dhe zgjeruar rrugët që lidhin këto fshatra me rrugën kryesore, vendosur tombina dhe hapur kanalet kulluese.
Aktualisht po punohet në rrugën Munaz -Rrajë e Zezë- Velë, e cila kishte nevojë emergjente për ndërhyrje.
