Skip to content Skip to left sidebar Skip to right sidebar Skip to footer

Mirë Se Vini Në Faqen Zyrtare të Bashkisë Mirditë

Hapja Zyrtare e Projektit EFFORT

Me datë 18 prill është shënuar hapja zyrtare e projektit EFFORT-Përmirësimi i objekteve për një të ardhme me një trajektore optimale të burimeve dhe efiçencës së energjisë (Përpjekja)”.
Ky projekt zbatohet nga Bashkia Mirditë, Komuna Junik , Co-PLAN dhe bashkëfinacohet nga Bashkimi Evropian, në kuadër të programit Cross-border programme
Albania – Kosovo, Pre-Accession Assistance (IPA II).

Projekti EFFORT do të mbështesë bashkinë Mirditë dhe Komunën Junik për të përqafuar tranzicionin e gjelbër dhe për t’u përafruar më tej me standardet mjedisore të BE-së, duke përmirësuar efikasitetin energjetik të ndërtesave publike në të dy bashkitë dhe duke ulur ndjeshëm konsumin e energjisë përmes instalimit të pajisjeve inovative si dhe promovimin e praktikave të qëndrueshme të menaxhimit të
ndërtesave.
Projekti synon gjithashtu të lehtësojë shkëmbimin e njohurive dhe praktikave më të mira në lidhje me efiçiencën e energjisë ndërmjet dy bashkive, duke promovuar kështu bashkëpunimin ndërkufitar. Në këtë
kuadër, do të zhvillohen shkëmbime bashkëpunuese ndërmjet shkollave profesionale, punonjësve të njësive të qeverisjes vendore nga drejtoritë përkatëse dhe ekspertëve të industrisë, me qëllim nxitjen e përpjekjeve kolektive drejt arritjes së një të ardhmeje më të gjelbër dhe më të qëndrueshme.

Kryetari i Bashkisë së Mirditës, z. Albert Melyshi, mbajti fjalën e hapjes dhe përshëndetjes së bashku menënkryetarin e Komunës së Junikut z. Besart Tofaj dhe përfaqësuesin e Delegacionit Evropian në Shqipëri, Z. Jean-Noel Gangloff.Aktiviteti i hapjes u ndoq gjithashtu nga përfaqësues të lartë nga institucionetqendrore dhe vendore në Shqipëri dhe Kosovë që punojnë në sektorin e energjitikës, mjedisit , arsimit dhe menaxhimit publik.

Ekspozita “E kaluara e Tashme” në Spaç, Mirditë.

Me datë 13.04.2024 u hap ekspozita “E kaluara e Tashme” në Spaç, Mirditë.

Ish- Burgu i Spaçit është një dëshmi e gjallë e sakrificave të atyre njerëzve të guximshëm që luftuan për liri dhe kundër tiranisë, dhe që shpesh humbën jetën gjatë kësaj përpjekjeje.

Tashmë 49 portretet e ish-të burgosurve që janë ende gjallë, bashkë me rrëfimet e tyre janë vendosur dhe janë të hapura për vizitorët.

Rrëfimet e tyre na shërbejnë ne si shoqëri për të reflektuar dhe mësuar nga e kaluara, në mënyrë të tillë që ajo të mos përsëritet.

Ekspozita u konceptua në kuadër të projektit”Kultura për Zhvillim të Qëndrueshëm: Potenciali i Pashfrytëzuar”. realizuar nga Tek Bunkeri.

Laboratori i Sukseseve në Mirditë

Në kuadër të projektit “Laboratori i Sukseseve Mirditë” departamenti Brain Gain dhe Ekselenca në bashkëpunim me Eugenius Fondation dhuruan disa kompjutera në shkollat e Mirditës.

Eugenius Foundation, fitoi një projekt nga Komisioni Europian dhe aktualisht po shpërndan kompjutera nëpër shkolla të ndryshme në Ballkanin Perëndimor.

Ndër të tjera u zgjodhën dy shkolla të Mirditës për të dhuruar kompjutera, shkolla e mesme “Marianne Graf” në Reps dhe shkolla e mesme “Ndrec Ndue Gjoka” në Fan”.

Bashkia Mirditë i falenderon për përkushtimin ndaj arsimit dhe zhvillimit të komunitetit tonë.

“Ngjyrosim ëndrra“

Mirëpritëm në ambientet e Bashkisë Mirditë nxënës të Gjimnazit Rrëshen, të cilët po zbatojnë projektin “Ngjyrosim ëndrra“ sipas metodologjisë “Të nxënit përmes shërbimit” me mbështetjen e Fondacionit Mary Ward Loreto!

Nxënësit janë angazhuar të krijojnë në shkollë një ambient të këndshëm për bashkëmoshatarët e tyre me aftësi ndryshe!

Kryetari i bashkisë i pranishëm në takim, i inkurajoi dhe ju siguroi mbështetjen e institucionit të bashkisë, si dhe i ftoi të jenë sa më kreativ edhe për iniciativa dhe aktivitete të tjera në komunitet.

Koncert festiv në ditën e Pashkëve në Mirditë

Mbrëmjen e datës 31.04.2024 u zhvillua koncerti festiv i Ditës së Pashkëve i organizuar nga Bashkia Mirditë.
Na nderuan me pjesëmarrjen e tyre, banda muzikore:
-Jurgen Cara në kitarë, Blerta Dodaj dhe Endrik Beba në vocal, Beriland Kadeli në bateri, si dhe Klodjan Rexhepaj në sint. Emigrantë të kthyer për të festuar me familjet e tyre, qytetarë të shumtë dhe fëmijë u bashkuan për të
shijuar muzikën dhe atmosferën festive.

 

Ekspozita e piktores Keisi Pepkolaj.

 Në Rrëshen u zhvillua ekspozita e piktores Keisi Pepkolaj.

Personalitete të rëndësishme si: Drejtoresha e USAID në Shqipëri Znj. Mischere Kawas, Prefekti i Qarkut Lezhë, Kryetari i Këshillit të Qarkut Lezhë, Kryetari i Bashkisë Mirditë, N/Prefekti Mirditë , Drejtori i Zyrës Vendore Arsimore Mirditë, si dhe Drejtori i Trashëgëmisë Kulturore dhe Turizmit Bashkia Mirditë, ishin të pranishëm dhe përshëndetën Keisin për talentin dhe pikturat e saja të mrekullueshme.
– Pas ekspozitës u zhvillua dhe një takim me Drejtoreshën e USAIDI-it, ku u diskutua mbi sfidat, problematikat, dhe projektet zhvillimore në Mirditë.
Në shenjë mirënjohje për kontributin e USAID ndër vite në Mirditë, Znj. Mischere Kawas iu dhurua Stema e Bashkisë Mirditë nga Kryetari z. Albert Melyshi.