Lajme

• Buletini i Muajit Gusht 2025

Bashkia Mirditë, në bashkëpunim me Dhomën Kombëtare të Tregtisë dhe Industrisë Tiranë, organizoi aktivitetin “Investo në Mirditë” – një thirrje për bashkëpunim, e fokusuar në zhvillimin e aseteve në pronësi të Bashkisë Mirditë, në funksion të rritjes ekonomike dhe turizmit.

Aktiviteti bashkoi mirditorë nga brenda vendit dhe diaspora, sipërmarrës dhe përfaqësues të institucioneve.

Takimi u hap nga Kryetari i Bashkisë Mirditë, z. Albert Melyshi, i cili përshëndeti të pranishmit dhe theksoi qasjen e bashkisë ndaj investitorëve:
– “Jemi këtu për të mbështetur çdo iniciativë që sjell zhvillim ekonomik dhe vende pune për qytetarët tanë.”

Z. Nikolin Jaka bëri thirrje për shfrytëzimin e potencialit të Mirditës si zonë me mundësi reale investimi, duke garantuar mbështetje logjistike dhe profesionale nga Dhoma e Tregtisë dhe Industrisë për çdo sipërmarrës.

Dom Gjergj Meta shprehu rëndësinë e ruajtjes së mjedisit, duke theksuar se zhvillimi duhet të jetë i qëndrueshëm dhe i ndërtuar mbi vlera afatgjata për komunitetin.

Përfaqësuesi i Agjencisë për Zhvillimin Bujqësor dhe Rural, Z. Spartak Harizi, prezantoi skemat e mbështetjes financiare për bizneset dhe fermerët, duke shpjeguar mënyrat konkrete të aksesimit të fondeve për zhvillim në bujqësi dhe turizëm.

Z. Kol Gjoka, Konsull Nderi i Shqipërisë në Gjermani, nënvizoi rolin thelbësor të diasporës si një faktor kyç në zhvillimin ekonomik të vendit.

Në vazhdim, stafi i Bashkisë Mirditë solli një panoramë të qartë mbi atraksionet turistike të Mirditës, skemat e granteve ku mund të
aplikojnë bizneset, procedurat ligjore për investime, si dhe nismën “Paketa e Maleve” që synon të krijojë mundësi të reja për zhvillimin e turizmit malor.

Z. Rigers Kacorri ndau vizionin për të ardhmen e industrisë agropërpunuese në Mirditë duke theksuar se :
– “Mirdita ka çdo gjë që i duhet për të qenë një qendër e fuqishme e prodhimit dhe turizmit rural. Duhet vetëm të besojmë dhe të punojmë së bashku për ta arritur”.

Takimi vijoi me diskutime të hapura dhe konstruktive mbi sfidat që përballen sipërmarrësit lokalë, si dhe mbi mundësitë për përmirësim dhe rritje të investimeve në zonë.

Ky aktivitet përbën një hap të rëndësishëm drejt zhvillimit të qëndrueshëm ekonomik dhe rritjes së bashkëpunimit mes komunitetit, sipërmarrësve dhe bashkisë Mirditë.

Bashkia Mirditë ju fton të merrni pjesë në aktivitetin “Investo në Mirditë”, që do të zhvillohet më 12 Gusht 2025, ora 10:00, në bashkëpunim me Dhomën e Tregtisë dhe Industrisë Tiranë, pranë Agroturizëm “Arbëri” Rrëshen.

Ky takim i hapur synon të krijojë një bashkëpunim institucional për zhvillimin ekonomik dhe turistik të Mirditës, mbi bazën e aseteve ekzistuese dhe mundësive konkrete për përdorimin e tyre, si dhe në kuadër të nismës “Paketa e Maleve”.

Ftojmë të gjithë mirditorët / investitorë të tjerë që me përvojën e tyre dëshirojnë të kontribuojnë dhe të investojnë në Mirditë me projekte konkrete biznesi apo dhe në fushën sociale.

Për konfirmim pjesëmarrjeje ose për më shumë informacion, ju lutemi kontaktoni në:
info@bashkiamirdite.gov.al
+355 216 22 233

Bashkia Mirditë është shpallur fituese në thirrjen e programit ReLOaD3, të financuar nga Bashkimi Evropian 🇪🇺 dhe të zbatuar nga Programi për Zhvillim i Kombeve të Bashkuara (UNDP).

ReLOaD3 synon të forcojë demokracinë vendore përmes bashkëpunimit të pushtetit vendor dhe organizatave të shoqërisë civile, duke rritur njëkohësisht pjesëmarrjen e qytetarëve në vendimmarrje.

Përfitimet për Bashkinë Mirditë përfshijnë:
• Rritje të kapaciteteve institucionale.
• Asistencë teknike nga ekspertë të programit.
• Mbështetje financiare për nxitjen e partneriteteve me organizatat e shoqërisë civile në ofrimin e shërbimeve publike duke u bazuar në prioritetet vendore.

Ky projekt do të sjellë përfitime konkrete për komunitetin, nëpërmjet bashkëpunimit me organizatat e shoqërisë civile.

Ditën e Merkurë, datë 30.07.2025, ora 10:00 në Bashkinë Mirditë ,  do të mbahet mbledhja e radhës së Këshillit Bashkiak Mirditë me rend dite si më poshtë:

• Njoftim për Mbledhjen e Këshillit Bashkiak Mirditë, Korrik 2025

Më 11 korrik 2025, një ekip speleologësh realizoi një eksplorim nënujor në shpellën “Kusia e Nue Gjonit” në Kurbnesh, duke zbuluar lidhjen midis dy liqeneve të brendshme dhe arritur një thellësi prej 11 metrash.

Nën drejtimin e speleologëve Roland Doja dhe Alket Camaj, ekspedita u zhvillua me pjesëmarrjen e zhytësve, studiuesve, përfaqësuesve të Info-Kullës dhe të rinjve pasionantë, duke theksuar rëndësinë turistike dhe shkencore të shpellës.

Kjo ekspeditë shënon një hap të rëndësishëm për speleologjinë dhe kërkimin shkencor në Shqipëri – duke vendosur Mirditën si një pikë referimi për natyrën, aventurën dhe zbulimet e reja.

• Buletini i Muajit Qershor 2025