Skip to content Skip to left sidebar Skip to right sidebar Skip to footer

Mirë Se Vini Në Faqen Zyrtare të Bashkisë Mirditë

Ftesë Për Pjesëmarrje në Takimin Konsultues për Përcaktimin e Fushave të Përparësive në Kuadër të Thirrjes së Parё Publike për Organizatat e Shoqërisë Civile në Bashkinë Mirditё.

Bashkia Mirditё në kuadër të bashkëpunimit me Programin Rajonal për Demokracinë Vendore në Ballkanin Perëndimor 3 (ReLOaD3), një iniciativë e financuar nga Bashkimi Evropian (BE) dhe e zbatuar nga Programi për Zhvillim i Kombeve të Bashkuara (PNUD), ka filluar procesin e përgatitjes së Thirrjes së Parё Publike për Organizatat e Shoqërisë Civile (OShC-të).
Hapi i parë i këtij procesi është konsultimi me OShC-të i tematikave që do të shërbejnë për të vendosur përparësitë e thirrjes.
Për këtë qëllim, bazuar në dokumentët strategjikë ekzistues, Bashkia Mirditё ka përzgjedhur prioritetet më emergjente të cilat kanë nevojë të konsultohen dhe validohen në bashkëpunim me Organizatat e Shoqërisë Civile.
Të gjitha OshC-të e interesuara për t’u bërë pjesë e këtij procesi, janë të ftuara të marrin pjesë në konsultimin publik në përzgjedhjen e përparësive që do të organizohet në datë 25 Nёntor 2025, ora 10:30 në ambientet e Bashkisë Mirditë,  Salla e mbledhjeve të Këshillit Bashkiak, Kati 1-rё.
Më poshtë do të gjeni rendin e ditës dhe çështjet kryesore për diskutim:
– Prezantim i projektit ReLOaD3;
     – Diskutimi / konsultimi i përparësive të propozuara për Thirrjen e Parë publike për OshC-të në Bashkinë Mirditё, si vijon:
1. Zhvillim turistik dhe mbrojtja e mjedisit
1.1 Promovimi i pikave turistike në zona të ndryshme të bashkisë Mirditё dhe mbrojtja e mjedisit.
1.2 Hartimi i dokumentave strategjike pёr zhvillimin e turizmit nё Bashkinё Mirditё.
1.3 Krijimi i hapësirave të reja muzeale për zhvillimin e potencialve turistike e kulturore.
1.4 Krijimi i shërbimeve të reja për informim mbi turizmin e kulturën.
2. Trashëgimia kulturore dhe identiteti lokal
2.1 Projekte që promovojnë trashëgiminë historike e kulturore të Mirditës, përfshirë figurat, traditat, arkitekturёn, artizanatin , kulinarinë dhe veshjet popullore.
2.2 Nisma për turizmin kulturor dhe interpretimin e monumenteve.
2.3 Aktivitetet për përfshirjen e brezit të ri në ruajtjen e identitetit lokal.
3. Rinia
3.1 Nxitja e pjesëmarrjes aktive së të rinjve, me fokus të rinjtë që jetojnë në Njësitë          Administrative.
3.2  Module trajnimi, strategji lokale pёr rininё dhe materiale shtesë mbi fusha të ndryshme me interes për rininë.

Në kuadër të procesit të hartimit të Buxhetit dhe Paketës Fiskale për vitin 2026, Bashkia Mirditë ka nisur zhvillimin e takimeve konsultuese me qytetarët në të gjitha njësitë administrative.

Deri më tani, janë zhvilluar takimet konsultuese në Njësitë Administrative Kaçinar, Selitë, Kthellë, Fan dhe Orosh, ku banorët kanë paraqitur problematikat dhe prioritetet kryesore të zonave të tyre, të cilat do të merren në konsideratë për t’u pasqyruar në projekt-buxhetin e Bashkisë Mirditë për vitin 2026.
Procesi i konsultimeve do të vijojë nesër, më datë 14 nëntor 2025, me:
•Banorët e Njësisë Administrative Rrëshen, në QKF Mirditë, në orën 10:00.
•Përfaqësuesit e bizneseve, në Sallën e Këshillit Bashkiak Mirditë, në orën 13:00.
Gjithashtu, më datë 17 nëntor 2025, në orën 10:00, do të zhvillohet takimi i konsultimit publik me banorët e Njësisë Administrative Rubik.

Seti fotografik “Në Dritën e Ndërgjegjes”

Nga dritat e fushës së volejbollit, vajzat e ekipit të volejbollit Mirdita sollën dritë edhe në fushën e ndërgjegjes.

Përmes këtij seti fotografik, ato përcollën mesazhe të fuqishme kundër trafikimit të qenieve njerëzore, duke na kujtuar se ndërgjegjësimi fillon nga secili prej nesh.

Ky set fotografik u realizua nga Fondacioni Mary Ward Loreto, në kuadër të projektit “Shërbe & Ndriço”, një nismë e bazuar në metodologjinë “Service Learning”, ku të rinjtë mësojnë duke shërbyer për komunitetin e tyre.

Demo Day – TIP Mirdita 2025

Më datë 3 nëntor 2025, pranë QKF Mirditë, u zhvillua konkursi i prezantimit të ideve (Demo Day) nga aplikantët e Programit Mbështetës për të Rinjtë e Bashkisë Mirditë – TIP Mirdita 2025.

Aktiviteti u organizua nga Bashkia Mirditë, në bashkëpunim me ekspertët e GIZ, si pjesë e përpjekjeve të përbashkëta për të nxitur inovacionin, sipërmarrjen rinore dhe zhvillimin e start-up-eve lokale në fushat e turizmit, blegtorisë dhe bujqësisë.

Demo Day i TIP Mirdita 2025 solli bashkë energjinë, kreativitetin dhe vizionin e ndërmarrësve lokalë, duke dëshmuar potencialin e Mirditës për zhvillim të qëndrueshëm rural dhe ekonomik.

Urime të përzemërta 13 fituesve që do të marrin mbështetje nga Bashkia Mirditë për të zhvilluar më tej idetë e tyre.

   

Tip Mirdita– Konkursi i Prezantimit të Ideve

Bashkia Mirditë lançoi në shtator, për herë të parë, një program mbështetës për të rinjtë e moshës 18–35 vjeç me vendbanim në Mirditë.

Qëllimi i programit “Tip Mirdita” është të nxisë sipërmarrjen, inovacionin dhe zhvillimin e ideve të reja që kontribuojnë në përmirësimin e jetës komunitare dhe ekonomike në Mirditë.

Thirrjes iu përgjigjën pozitivisht shumë të rinj dhe të reja me projekt-ide kreative dhe premtuese.

Të hënën, më 3 nëntor 2025, në QKF Rrëshen, nga ora 11:00 deri në 14:30, do të zhvillohet Konkursi i Prezantimit të Ideve, ku të rinjtë që kanë aplikuar do të prezantojnë idetë e tyre para jurisë.

Në përbërje të jurisë janë përfaqësues të Bashkisë Mirditë dhe ekspertë të GIZ Albania, të cilët do të vlerësojnë idetë më të mira për përfshirje në fazën e dytë të programit.

Konkursi është i hapur për të gjithë ata që duan të ndjekin procesin dhe të mbështesin inovatorët e rinj.

Suksese të gjithë të rinjve konkurentë!

Festo n’Mirditë

Në datat 17 – 18 tetor 2025, në kuadër të projektit “Mirdita–Junik”, u zhvilluan aktivitetet festive “Festo n’Mirditë”, të cilat sollën gjallëri, kulturë dhe traditë në disa zona të Mirditës.

Aktivitetet nisën me hapjen e panairit të artizanëve në sheshin “Abat Doçi” në Rrëshen, ku artizanë vendas ekspozuan produkte tradicionale e punime artistike.

Në orët e pasdites, vizitorët u drejtuan drejt fshatit Domgjon, ku vizituan Gurrën e Domgjonit, Monument Kulture i Kategorisë së I-rë, një ujësjellës unik që dëshmon mjeshtërinë tradicionale të përpunimit të gurit nga brezat e kaluar.

Mbrëmja u mbyll me një koncert festiv, që solli atmosferë gëzimi dhe bashkimi për banorët dhe vizitorët.

Dita e dytë vijoi me vizitë në panairin e artizanëve, ndjekur nga një aktivitet në ish- Burgun e Spaçit, organizuar nga Shoqata “Tek Bunkeri”, ku të pranishmit patën mundësinë të njihen me një tjetër dimension të së kaluarës sonë dhe rëndësinë e ruajtjes së kujtesës historike.”

Pasdite, pjesëmarrësit vizituan Kishën e Rubikut, një nga monumentet më të rëndësishme të trashëgimisë shpirtërore në Mirditë, ndërsa aktivitetet u mbyllën me një koncert recital nga artistët e Musica Nova Ensemble pranë Infokullës Rubik.

Aktivitetet u mbështetën nga Bashkimi Evropian, përmes programit IPA CBC Shqipëri–Kosovë, dhe u zbatuan nga CHwB Kosovë, Bashkia Mirditë, Komuna Junik dhe Qendra UET.

Projekti synon të krijojë një infrastrukturë turistike të qëndrueshme në zonën kufitare mes Shqipërisë dhe Kosovës, duke promovuar atraksionet kulturore dhe natyrore, dhe duke sjellë përfitime ekonomike dhe sociale për komunitetet lokale.

NJOFTIM PËR KONSULTIMET PUBLIKE

Mbështetur në Ligjin 139/2015 “Për Vetëqeverisjen Vendore, në Ligjin  nr. 9936 date 26.06.2008 “Për Menaxhimin e Sistemit Buxhetor në Republikën e Shqipërisë” të ndryshuar, në ligjin nr.68/2017  Për financat e Vetëqeverisjes Vendore, Udhëzimin Nr. 9 datë 20.07.2018 Për Procedurat Standarte të Zbatimit të Buxhetit, si dhe në Urdhërin Nr. 500 dt. 23.10.2025 të Kryetarit të Bashkisë Mirditë  “Për Ngritjen e Komisionit Për Konsultimet Publike” në kuadër të hartimit të Buxhetit Vjetor dhe Paketës Fiskale për vitin 2026, si dhe miratimit të Programit Buxhetor Afatmesëm 2026-2028, të Bashkisë Mirditë.
Bashkia Mirditë fton të gjithë qytetarët, përfaqësuesit e biznesit, organizatat e shoqërisë civile dhe grupet e interesit të marrin pjesë në konsultimet publike, duke dhënë mendimet, propozimet dhe sugjerimet e tyre mbi prioritetet e zhvillimit dhe planifikimin e buxhetit vendor.
 Konsultimet publike do të zhvillohen sipas grafikut të mëposhtëm: