Njoftim për Mbledhjen e Këshillit Bashkiak Mirditë, Shtator 2025
Ditën e Martë, datë 30.09.2025, ora 10:00 në Bashkinë Mirditë , do të mbahet mbledhja e radhës së Këshillit Bashkiak Mirditë me rend dite si më poshtë:
Njoftime
THIRRJE PËR APLIKIME – TIP MIRDITA
Bashkia Mirditë shpall për herë të parë Programin TIP-Mirdita, një nismë mbështetëse për të rinjtë 18-35 vjeç, banues në territorin e Mirditës.
Qëllimi i programit është nxitja e sipërmarrjes dhe zhvillimi i ideve inovative në fushat:
•Turizëm
•Trashëgimi kulturore
•Bujqësi
•Blegtori
•Aventurë
Gjatë gjithë procesit të thirrjes, Bashkia Mirditë bashkë me GIZ Albania, do të ofrojnë mbështetje të vazhdueshme dhe këshillim profesional për aplikantët.
Apliko në TIP-Mirdita, përfito deri në 500.000 lekë financim dhe ktheje idenë tënde në realitet!
Afati i aplikimeve: 17 Shtator – 17 Tetor 2025
Aplikimet pranohen vetëm online në linkun zyrtar:
Njoftim për Mbledhjen e Këshillit Bashkiak Mirditë, Gusht 2025
Ditën e Premte, datë 15.08.2025, ora 10:00 në Bashkinë Mirditë , do të mbahet mbledhja e radhës së Këshillit Bashkiak Mirditë me rend dite si më poshtë:
Skema Kombëtare e Investimeve 2025
Skema Kombëtare e Investimeve 2025 është një program që ofron grante deri në 50% për investime në bujqësi, blegtori, agroturizëm dhe akuakulturë.
Në të njëjtën kohë, kredia e butë ofron financim me normë interesi të ulët prej 2% dhe garanci shtetërore për 70% të vlerës së kredisë, duke lehtësuar aksesin e fermerëve në hua për zhvillimin dhe modernizimin e veprimtarive të tyre.
Së bashku, grantet dhe kredia krijojnë një paketë financimi të plotë për rritjen dhe përmirësimin e bujqësisë në vend.
Çdo fermer individual, subjekt me status fizik apo juridik dhe SHBB mund të aplikojë për mbështetje në Skemën Kombëtare të Investimeve 2025 për 9 masa mbështetëse:
-Ndërtimi i serrave diellore të reja për prodhimin e perimeve, luleshtrydheve dhe rrushit të tavolinës.
-Mbjellje të reja në pemë frutore, ullinj, agrume dhe vreshta.
-Rrjeta antibreshër për pemët, agrumet dhe vreshtat ekzistuese.
-Sistemet e ujitjes me pika në pemëtore dhe vreshta.
-Ndërtimi i ambienteve për mbarështimin e blegtorisë dhe shpendëtarisë.
-Mekanizimi dhe modernizimi i fermave bujqësore dhe blegtorale.
-Pajisje për përpunim dhe paketim për perime, fruta, rrush, verë, ullinj dhe vaj ulliri.
-Investime në agroturizëm.
-Koshat dhe rrjetat e peshkimit për akuakulturë.
-Aplikimet për Skemën Kombëtare të Investimeve 2025 janë të hapura deri më 30 Shtator 2025.
Ekipi i Ministrisë së Bujqësisë dhe Zhvillimit Rural dhe Agjencia për Zhvillim Bujqësor dhe Rural janë të gatshëm për çdo pyetje apo ndihmë nëpërmjet Agropikave ose Agjencive Rajonale të Ekstensionit Bujqësor pranë zonës suaj.
Për më shumë informacion, ju mund të kontaktoni në:
Numrin falas: 0800 83 83
Website: www.azhbr.gov.al
Email: info@azhbr.gov.al
Zyra e Ekstensionit Bujqësor Mirditë.
+355 68 851 2897
Njoftim për Murtajën e Rumitantëve të Vegjël.
Sektori i Shërbimit Veterinar, Ushqimit dhe Mbrojtjes së Konsumatorit pranë Bashkisë Mirditë, në bashkëpunim me Autoritetin Kombëtar të Veterinarisë dhe Mbrojtjes së Bimëve, janë në monitorim të territorit, përmes informimit të fermerëve dhe kontrollit të fermave, tregjeve dhe rrugëve, me qëllim parandalimin e lëvizjes së pakontrolluar të kafshëve.
Deri më tani, në territorin e Bashkisë Mirditë nuk është konstatuar asnjë rast pozitiv i murtajës së ruminantëve të vegjël.
Nisur nga disa raste të shkeljes së detyrimeve ligjore për lëvizjen, shitjen dhe blerjen e kafshëve – raste të cilat janë referuar menjëherë pranë organeve të ndjekjes penale – njoftojmë të gjithë fermerët se:
NDALOHET:
1. Lëvizja e kafshëve (dele dhe dhi) nga ferma në fermë.
2. Shitja e kafshëve të llojit dele dhe dhi në të gjithë territorin e Republikës së Shqipërisë.
3. Blerja e deleve dhe dhive në të gjithë territorin e Republikës së Shqipërisë.
LEJOHET:
Vetëm lëvizja e deleve dhe dhive drejt thertoreve të licencuara, e shoqëruar me certifikatë shëndetësore veterinare, e lëshuar nga veterineri zyrtar i shërbimit.
Në rast se konstatoni simptoma të dyshimta te kafshët e imta, duhet të njoftoni menjëherë:
+355 68696 5380
-dajana.gjoka@bashkiamirdite.gov.al
Ose të kontaktoni Autoritetin Kombëtar të Veterinarisë dhe Mbrojtjes së Bimëve:
– info@akvmb.gov.al
-0800 3366
NJOFTIM
Njoftojmë të gjithë qytetarët se në portalin E-Albania është hapur shërbimi:
“Shprehje interesi për identifikimin e zonave zhvillimore për Paketën e Maleve”.
Gjithashtu, është funksionale edhe faqja zyrtare ku mund të gjeni informacionet e nevojshme dhe procedurat që duhet të ndiqni për të aplikuar.
https://paketaemaleve.gov.al/al
Kujdes! Toka poseduese nuk duhet të jetë në zonë të mbrojtur.
Pas përfundimit të fazës së shprehjes së interesit, Bashkia Mirditë do të organizojë një takim me të gjithë personat e interesuar, për të diskutuar mbi hapat e mëtejshëm të Paketës së Maleve.
Për çdo paqartësi ose për të marrë asistencën e nevojshme, jeni të mirëpritur pranë Zyrës së Informacionit, kati 1, në Bashkinë Mirditë.
Njoftim për Praktikë Pune në Bashkinë Mirditë
Bashkia Mirditë njofton të gjithë të rinjtë e interesuar se në kuadër të Thirrjes së Dhjetë të Programit Kombëtar të Praktikave të Punës, janë hapur aplikimet për praktika profesionale në administratën publike.
🗓 Periudha e aplikimeve:
Nga data 27 qershor deri më 10 gusht 2025
Aplikimet realizohen vetëm online përmes platformës zyrtare:
praktika.riniafemijet.gov.al
Pozicionet që ofrohen në Bashkinë Mirditë janë si më poshtë:
• 2 praktikantë në pozicionin Inxhinier
• 2 praktikantë në pozicionin Arkitekt
• 2 praktikantë në pozicionin Jurist
• 2 praktikantë në pozicionin Punonjës Social
Ftojmë të gjithë të rinjtë e diplomuar apo që janë në përfundim të studimeve të aplikojnë dhe të bëhen pjesë e këtij programi me qëllim fitimin e përvojës praktike në administratën publike.
Për më shumë informacion, vizitoni platformën zyrtare të programit ose kontaktoni me Drejtorinë e Burimeve Njerëzore pranë Bashkisë Mirditë.
Faleminderit për bashkëpunimin!
THIRRJE E HAPUR PËR TË RINJTË!
Je një i ri në moshën 18–35 vjeç?
Ke ide, pyetje, dëshirë për të kontribuar apo thjesht për të ndarë mendimet e tua?
Kryetari i Bashkisë Mirditë, z. Albert Melyshi, ju fton në një takim të hapur me të rinjtë, më datë 4 Korrik 2025, në orën 10:00, në sallën e Këshillit Bashkiak Mirditë.
Le të diskutojmë së bashku për çështjet që na prekin, për mundësitë që kemi dhe për atë çfarë mund të ndërtojmë së bashku.
Njoftim për Mbledhjen e Këshillit Bashkiak Mirditë, Qershor 2025
Ditën e Enjte, datë 19.06.2025, ora 10:00 në Bashkinë Mirditë , do të mbahet mbledhja e radhës së Këshillit Bashkiak Mirditë me rend dite si më poshtë:
