Vijuam konsultimet publike me banorët e Njësive Administrative Fan dhe Orosh, për të shqyrtuar problematikat dhe shqetësimet e drejta që ata kanë.
Në bashkëpunim me komunitetin do angazhohemi për zgjidhjen e sa më shumë problematikave.
Me banorët e Njësive Administrative Selitë dhe Kthellë, ku bashkëbiseduam mbi problematikat dhe sugjerimet e tyre në kuadër të hartimit të Paketës Fiskale dhe Buxhetit të Bashkisë Mirditë për vitin 2025.
U zhvillua takimi ndërinstitucional me Drejtorin e Përgjithshëm të Drejtorisë së
Ndihmës Juridike Falas Z. Ergys Cirici, ku morën pjesë përfaqësues të
administratës së Bashkisë Mirditë, dhe punonjësit social të të gjitha njësive administrative.
Në këtë takim u diskutua, rëndësia e ndihmës juridike falas për qytetarët sidomos ata më në nevojë.
Nënkryetari i Bashkisë Mirditë z. Gjergj Prenga theksoi rëndësinë e krijimit të një Zyre të Ndihmës Juridike në Mirditë pasi do të ofronte akses më të lehtë për qytetarët.
Aktualisht, qytetarët që kanë nevojë për ndihmë juridike dhe përfshihen në kategorinë e shtresave në nevojë, mund të drejtohen në Qendrat e Shërbimit Juridik Parësorë në Lezhë dhe Kurbin, ose të kontaktojnë:
Cel : 08001010
▶️ https://juristionline.al/
Bashkia Mirditë fton të gjithë qytetarët për të marrë pjesë dhe shprehur mendimet e tyre, në konsultimet publike, në kuadër të hartimit të Paketës Fiskale dhe Buxhetit për vitin 2025.
Konsultimet publike do të zhvillohen nga të gjitha drejtoritë dhe agjencitë e Bashkisë Mirditë sipas grafikut të mëposhtëm.
Bashkia Mirditë njofton të gjithë nxënësit e arsimit parauniversitar dhe arsimit të mesëm profesional se aplikimet për burse për vitin shkollor 2024-2025 kanë filluar.
Kriteret dhe listën e dokumenteve i gjeni bashkëngjitur njoftimit.
Për çdo informacion të mëtejshëm dhe për dorëzimin e dokumentacionit, ju lutemi të paraqiteni pranë Zyrës së Pritjes së Qytetarëve në katin e parë të Bashkisë Mirditë.
Kryetari i Bashkisë Mirditë Z. Albert Melyshi ka udhëtuar drejt rajonit të Kalabrisë, duke vizituar Komunitetin Arbëreshë në Itali.
Të shpërngulur dhe të vendosur në mesjetë në zonën e Kalabrisë nga trojet shqiptare, arbëreshët kanë ruajtur dhe trashëguar gjuhën, zakonet dhe traditat e të parëve siç ka bërë dhe Mirdita ndër shekuj.
Arbëreshi Terenzo Tocci ka dhënë një kontribut të jashtëzakonshëm në historinë e kombit tonë, ku me 26 prill të vitit 1911, në Kuvendin Ndërkrahinor të Fanit u deklarua vullneti i shqiptarëve, për shkëputjen nga Perandoria Osmane dhe rezultati i këtij kuvendi ishte krijimi i Qeverisë së Përkohshme të Kimzës.
Me datë 27.09.2024, u nënshkrua marrëveshja e binjakëzimit ndërmjet Bashkisë Mirditë dhe Komunës San Cosmo Albanese, një ngjarje e rëndësishme që forcon lidhjet mes dy komuniteteve.
Marrëveshja thekson potencialin për bashkëpunim në sektorët e historisë, ekonomisë, arsimit, produkteve tipike dhe peizazhit, duke ofruar mundësi të reja për zhvillim në turizëm, ekonomi, si dhe në fushat sociale dhe kulturore.
Gjatë takimeve, përfaqësuesit e dy bashkive diskutuan mbi iniciativat e përbashkëta që do të nxisin shkëmbimin e përvojave dhe hapjen e rrugës për projekte që synojnë zhvillimin e qëndrueshëm dhe forcimin e lidhjeve mes shqiptarëve dhe arbëreshëve.
Mirënjohje ndaj Presidentit të Republikës së Shqipërisë Z. Begaj dhe miqve të Mirditës që ndihmojnë në bashkëpunime të tilla të frytshme, që synojnë lartësimin e traditave atdhetare dhe zhvillimet kulturore bashkëkohore me Arbëreshët.
Ditën e Martë, datë 24.09.2024, ora 10:30, do të zhvillohet Konsultim me Publikun për Shoqërinë “TETE ALBANIA TUNEL & MIINING” sh.a, në afërsi të subjektit, për përcaktimin e koordinatave të sheshit të venddepozitimit të mbetjeve në lejen mjedisore me PN-1842-06-2023.
Ditën e Mërkurë, datë 25.09.2024, ora 10:00 në Bashkinë Mirditë , do të mbahet mbledhja e radhës së Këshillit Bashkiak Mirditë me rend dite si më poshtë:
Në prag të vitit të ri shkollor, Bashkia Mirditë me qëllim krijimin e një ambienti më të sigurt për nxënësit dhe stafin e mësuesve, ka vendosur kamera sigurie në objektet arsimore: Çerdhja dhe Kopshti Rrëshen, Shkolla “Nënë Tereza Rrëshen, Kopshti Rubik, Shkolla e Mesme e Bashkuar Reps, SHMB “Ndrec Ndue Gjoka” Fan.
Gjithashtu janë kryer dezinfektime, rinovime dhe lyerje të pjesshme të ambienteve shkollore.
Zhvillimi dhe mirëqenia e fëmijëve fillon nga një mjedis i sigurt dhe i përshtatshëm.
