Veshja tradicionale e gruas Mirditore

Veshja tradicionale e gruas mirditore shpallet ”Kryevlerë Kombëtare e Trashëgimisë Kulturore Jomateriale (shpirtërore)”.

Me propozimin e Unionit Mirdita, Këshilli Kombëtar i Trashëgimisë Kulturore Jomateriale pasi shqyrtoi dosjen e dërguar, vendosi që kjo veshje e hershme, që pavarësisht mbishtresëzimeve kulturore, ruan një larmi simbolesh të natyrës mitike dhe kultike, të shpallet ”Kryevlerë Kombëtare e Trashëgimisë Kulturore Jomateriale (shpirtërore)”.

Pas shpalljes ”Kryevlerë Kombëtare e Trashëgimisë Kulturore Jomateriale (shpirtërore)”, në një fazë tjetër, mund të përgatitet dosja për në UNESCO.