Me datë 11.12.2023 përmbyllëm konsultimet publike me banorët e Njësisë Administrative Rrëshen, në kuadër të hartimit të Paketës Fiskale dhe Miratimit të Buxhetit për vitin 2024.
Dëgjuam dhe diskutuam një sërë problematikash me banorët për të renditur një listë prioritetesh për vitin 2024.
Ditën e sotme u zhvillua mbledhja e Komisionit Vendor për Planifikimin dhe Përballimin e Mbrojtjes Civile për periudhën dimërore 2023- 2024 në territorin e Bashkisë Mirditë.
Të pranishëm në këtë takim ishin: Prefekti i Qarkut Lezhë Z.Gjergj Prendi, Drejtori i Qendrës së Mbrojtjes Civile për Qarqet Shkodër, Kukës, Lezhë Z. Besnik Hysaj, përfaqësues të Agjencisë Kombëtare të Mbrojtjes Civile, N/Prefekti Mirditë Znj. Marie Doda si dhe anëtarët e komisionit vendor.
Mbledhja u kryesua nga Kryetari i Bashkisë Mirditë Z. Albert Melyshi ku përshëndeti të pranishmit dhe kërkoi që të jemi në lartësinë e duhur për t’u shërbyer qytetarëve dhe për të përballuar problematikat dhe emergjencat që mund të shfaqen gjatë stinës së dimrit.
U diskutuan problematikat e identifikuara në të gjitha njësitë administrative si dhe:
– Masat e marra për monitorimin e zbatimit të përpiktë të regjimit të punës në rezervuarë( hapja, mbyllja, niveli i ujërave, gjendja e siguria e shkarkuesve katastrofikë dhe e digave).
– Masat e marra për mbulimin me shërbim shëndetësor dhe për furnizimin e sigurimin e rezervave dimërore në medikamente mjekësore për zonat që bllokohen nga dëbora.
-Masat e marra për përmirësimin e rrjetit të shpërndarjes për sigurimin e furnizimit normal të popullatës me energji elektrike sidomos të zonave e fshatrave që bllokohen nga dëbora.
– Masat e marra për mbajtjen në gatishmëri të rrjetit rrugor dhe për hapjen e rrugëve që bllokohen nga bora e akulli.
Prefekti i Qarkut Lezhë Z. Gjergj Prendi ju bëri thirrje të gjithë anëtarëve të komisionit që ndërhyrja të jetë sa më e shpejtë në operacione dhe të ketë bashkëpunim dhe koordinim mes strukturave.
“Investo për të parandaluar dhunën” ishte motoja që mblodhi bashkë nxënës, prindër, mësues, qytetarë, përfaqësues të institucioneve vendore, dhe organizata në marshimin ndërgjegjësues që filloi nga oborri i shkollave 9 vjeçare për të vijuar nëpër rrugët e qytetit dhe për tu përmbyllur në sheshin “Abat Doçi”.
Me pankarta në duar ata dhanë mesazhe sensibilizuese për parandalimin e dhunës.
Marshimi u organizua në kuadër të 16 Ditëve të aktivizimit kundër dhunës me bazë gjinore, në bashkëpunim me NJVKSH Mirditë, ZVAP, shoqatën Vizion OJF dhe fondacionin Mary Ward Loreto.
Me datë 05.12.2023 vijuam konsultimin publik me banorët e Njësisë Administrative Rubik, në kuadër të hartimit të Paketës Fiskale dhe Buxhetit për vitin 2024.
Së bashku me banorët dëgjuam e diskutuam një sërë problematikash për të renditur një listë prioritetesh për Buxhetin e vitit 2024.
– Përmirësimin e hapësirave publike si: kënd lojrash për fëmijë, stola për të moshuarit, ambjente sportive etj.
-Sistemimin dhe mirëmbajtjen e rrugëve të fshatrave të kësaj njësie.
– Nevojë për zgjerim dhe pastrimin e sipërfaqeve të varrezave.
– Pastrimin dhe mirëmbajtjen e kanaleve kulluese dhe vaditëse.
Qendra e Personel Rekrutimit në Ministrinë e Mbrojtjes kërkon të rekrutojë kandidatë për ushtarë/detarë aktivë në Forcat e Armatosura të Republikës së Shqipërisë.
Kriteret për ushtarë/detarë aktivë:
– Të jetë shtetas shqiptar
– Mosha e rekrutimit është 18 vjeç – 27 vjeç.
– Të ketë kryer arsimin, minimumi 9 vjeçar brenda ose jashtë vendit.
Dokumentacioni që do të paraqesin kandidatët:
– Kërkesë me shkrim;
– Fotokopjen e kartës së identitetit;
– Formular i vetëdeklarimit;
– Dy fotografi të përmasave 4×6 cm dhe dy fotografi të përmasave 9×12cm;
– Fotokopje të noterizuar të çertifikatës së arsimit 9- vjeçar/ diplomës së arsimit të mesëm/ universitetit;
-Diplomë, dëshmi apo çertifikatë për aftësinë profesionale (nëse ka), të noterizuara;
-Dokument i qendrës shëndetësore të lëshuar nga mjeku i familjes;
-Ekzaminimet mjekësore për agjentët infektivë (Hepatit B, Hepatit C, Sifiliz etj.), grupin e gjakut të lëshuar nga drejtoritë e shendetit publik ose laborator mjekësor të licensuar për këto analiza;
– Vërtetim nga prokuroria, gjykata dhe dëshmi penaliteti.
Shtetasit që dëshirojnë të shërbejnë në FA si ushtarë / detarë aktivë do të aplikojnë: online nëpërmjet portalit e- Albania në shërbimin ” Aplikim për rekrutimin e Forcave të Armatosura”, në postë, në seksionet e rekrutimit në qarqe, si dhe në QPR.
Afati për regjistrim është deri me datë 09.01.2024
Ditën e Enjte me datë 7 dhjetor 2023, Bashkia Mirditë në bashkëpunim me ZVAP Mirditë, NJVKSH, shoqatën Vizion OJF dhe fondacionin Mary Ward Loreto, ju fton t’i bashkoheni aktivitetit ndërgjegjësues kundër dhunës me bazë gjinore në kuadër të 16 ditëve të aktivizimit për eliminimin e këtij fenomeni.
Konsultimet me publikun në kuadër të hartimit të Buxhetit dhe miratimit të Paketës Fiskale për vitin 2024 vijuan sot gjithashtu dhe në Njësinë Administrative Orosh.
Kryetari i Bashkisë Mirditë Z. Albert Melyshi, bashkë me stafin e tij drejtues si edhe me Kryetarin e Këshillit Bashkiak Z. Aleksandër Picaku, ashtu si në njësitë e tjera administrative u mblodhën për të diskutuar së bashku me banorët për problematikat emergjente, që kanë të bëjnë kryesisht:
▪︎ Me ndërhyrje në infrastrukturë, asfaltim i rrugës hyrëse në qytetin e Repsit, si dhe mirëmbajtjen e rrugëve të fshatrave.
▪︎ Përmirësim i sitemit të furnizimit me ujë të pijshëm për të gjithë banorët e Njësisë Orosh.
▪︎ Ndriçim publik dhe hapësira të përbashkëta të përmirësuara.
▪︎ Një vëmendje të shtuar i kushtuam planifikimit të nevojshëm të ndërhyrjeve në segmentet rurale rrugore, që lidhin fshatra dhe pjesë të ndryshme të zonës me njëra -tjetrën.
Në Njësinë Administrative Fan vijuam sot konsultimet publike me banorët dhe gjithë të interesuarit mbi hartimin e Buxhetit 2024 dhe miratimin e Paketës Fiskale 2024.
Diskutuam për prioritetet e investimeve në zonë si dhe dëgjuam të gjitha mendimet për t’i patur në vëmendje gjatë hartimit të Buxhetit për vitin e ardhshëm.
▪︎ Nevojë për ndërhyrje dhe mirëmbajtje të rrugëve që lidhin fshatrat e kësaj njësie me rrugën kryesore dhe me njësinë qendër ku ndodhet shkolla dhe qendra shëndetësore.
▪︎ Nevojë për përmirësim të sistemit të furnizimit me ujë të pijshëm për disa nga fshatrat si dhe në shkollën e mesme Fan.
▪︎ Nevojë për përmirësim të sistemit vaditës dhe vendosje tombinash në disa vende problematike.
Diskutojmë dhe vendosim së bashku!
Sot në konsultimin publik për miratimin e Buxhetit dhe Paketës Fiskale për vitin 2024 me banorët e Njësisë Administrative Kthellë.
Së bashku për të degjuar dhe konsultuar nevojat dhe kërkesat e komunitetit, në menyrë që të mund të vendosim piketat tona kryesore.
Mbajtëm shënim gjithashtu shqetësimet e shumta të prezantuara nga banorët dhe sipëmarrjet të cilat do t’i përfshijmë në projekt-buxhet!
Duke filluar nga investimet publike në infrastrukturën rrugore, që lidh Rrëshenin me të gjithë fshatrat përgjatë segmentit rrugor Rrëshen- Perlat, si dhe rrugët qe lidhin fshatrat ndërmjet tyre.
-Përmirësim dhe mirembajtje e sistemit vaditës.
-Nevojë imediate për një qendër shëndetësore me kushte optimale dhe furnizim me ujë të pijshëm.
